原來元朗國文宣已經係咁，其他區幾時先肯升級？
元朗國文宣值得學習嘅地方：
第一，同時係最重要，整齊。因為有排版
因為有排版
因為有排版。（好神奇所以講三次）
小妹行過幾個連儂牆，真心覺得元朗國嘅連儂牆最撚整齊，成個社區學堂咁。元朗國啲文宣真係好user-friendly同吸睛，至少你唔覺污糟。有排版有分類有標題，咁啲街坊就好容易了解到啲文宣講咩，吸收到文宣入面嘅資訊。
第二，遊行集會文宣好突出好撚吸睛。 大大塊文宣，簡而精，直接將遊行日期地點打入街坊個腦。完美達成宣傳遊行集會嘅任務
第三，街坊高度參與。跟據我觀察，元朗國連儂場打卡位眾多，（所以我先打左咁撚多卡）正正因為唔同位置都有靚靚藝術品，好多街坊先留步打卡，再順便睇下文宣、一齊討論，真係做到教育大眾嘅效果。
Btw 我覺得如果可以將連儂牆整到元朗國咁靚，成個社區學堂咁，其實值得更多人去認真睇文宣長知識。所以，小妹仲整合啲建議想同全港文宣組講，希望盡量吸引更多街坊停低睇文宣。
第一，揾人做下圍觀撚。善用羊群效應（人睇我又睇，大家咪蝕底）
第二，直接搵人做小老師。主動大聲但有禮咁請街坊睇文宣。演講內容建議短而精，最好有少少幽默感。總之，就係盡量促進羣眾溝通同討論文宣。
第三，派傳單。文宣貼得少但整齊，真係好過貼得又多又亂。既然印左咁多張文宣，其實唔一定要貼晒嘅。不如直接派多餘嘅文宣比街坊，一黎街坊直接收到文宣，二黎可以打破同街坊嘅隔膜促進交流。
話說之前元朗國啲螢光marvel poster顯撚晒朵，今日放工諗住觀摩下打卡啦，點知原來已經比人拆撚左。
不過，今日入下元朗國先發現人哋啲連儂牆真係領先全球
講真，小妹都係第一次咁認真去睇文宣。我地成日笑元朗國好藍，點撚知人哋啲叔叔姨姨係會突登停喺文宣前面好撚認真咁睇，再影相send 比friend子同屋企人。原來元朗國真係可以將抗爭資訊同真新聞廣傳比街坊，好抵讚。
最後加多句，辛苦晒全港文宣手足。
香港人反抗
更多抗爭資訊及實用錦囊https://t.me/hkwarroom
By 目不識丁P牌仔
https://lih.kg/1659523
