2021-06-09 06:09:25
#admin專欄 #六九時代革命兩週年紀念 @windseasonbro
今日係6月9號，抗爭轉眼兩年，彈指即逝。
七百三十日以來，無數手足走上街頭，有被捕嘅、有死去嘅、有流亡嘅、有生死未卜嘅...
數之不盡，理性嘅數字反映唔到真實嘅情況：鏡頭背後被姦被自殺者比比皆是。
記得抗爭半年嘅時候，時間係過得好慢好慢，因為每一日都充滿新鮮感同未知數，每一日都係獨特但同時又係環環相扣嘅：如果無A事件，或者就唔會Trigger到B事件，香港嘅每一個地方，港島九龍新界都無得避，避唔到只好一齊捱。
香港人身份認同，我一直都有，所以大中華64晚會，我從來唔會去，亦反對朋友去；71只係用嚟Spin香港嘅問題係地產霸權，消耗民怨，去過覺得無乜意思；2012反国民教育大遊行我覺得改變唔到香港大量大中華膠，所以無參與；雨革失望透頂；魚革唔喺現場；而2019年6月9號掀起嘅光復香港時代革命，應該喺大部分香港人心目中都係代表住我哋香港人身份認同嘅運動/革命。
記得六九時，我同身邊朋友嗌嘅已經係光復香港時代革命，隔籬有和理非非重係嗌緊林鄭落台，重叫我哋收聲。
天琦影響我好深，但當時嗌光復香港無諗過之後真係會演變成咁---就算你係本土派，勇武派，69上場果時點會諗到721 831等等令到更多淺黃醒覺嘅事件？
又點會諗到有「願榮光歸香港」、「肥媽有話兒」？
本土派見到2016年魚革後有一班人被清算而又未激起社會大眾對「香港人」嘅身份認同，重有班港豬定時去中国飲喜茶食海底撈，天琦又被捕，本土派又被DQ，本身都好灰心。
但，2019年「光復香港時代革命」又真係發生咗，而且係每一代每一個階層香港人都有參與：銀髮族王婆婆、中環Banker、消防員、地盤手足、基督徒手足其他公務員、零零後等等等等，亦有中國人手足默默支持香港人，果d中國人，我會尊重同感謝。
2019年6月9號，係一切嘅序幕，一幕幕勇和不分嘅畫面。每一區都有連儂牆，每一條街都有哨兵，每一條路都有香港人嘅痕跡，每一個商場都有和你Sing，每一家每一伙都試過喺屋企聽到光復香港時代革命，就係香港人一起走過的日子，香港之路。
經過730日，政權可以用天拿水抹走街道上嘅字句，粉飾太平；亦可以Del網上影片，消滅證據，但磨滅唔到香港人嘅集體記憶同意志。
今日我着咗黑衫，612都會着黑衫，你呢？
返工寫呢篇嘢，寫得唔好，暫時擱筆。
我真係好撚愛香港，如果你哋有任何關於六九兩週年嘅投稿，可以 pm @windseasonbro ，我會post 出嚟。
17 views03:09
香
