「黃世澤唔應該再叫其他匿名既 黃營KOL/評論員/作家 公開真正身份，非常唔合理，妄顧他人的顧慮與安全」「應該單純就理據去批評，而不是質疑他人的身份」「佢住慣左德國，忘記左香港人沒有言論自由」
成日都睇黃世澤既節目，好欣賞佢既分析角度和敢言，但係佢批評其他黃營KOL唔夠膽實名發表意見，其實好唔合理。
黃世澤居於德國，可以暢所欲言，但係佢批評既人可能位於香港，言論自由受到嚴重侵犯，不夠膽公開真面目係非常正常。如果黃世澤仲留在香港，佢夠膽實名形式講佢宜家講既野咩？佢一定唔夠膽。
仲有，好多人本身唔係全職評論員，就香港議題發聲都係出於關心社會，唔係為名唔係為利，唔需要拋頭露面。港共政權瘋狂打壓異己，亂咁拉人亂咁告人，為左保障自身安全，匿名發表意見係好正常既事。
在香港，不論係打工仔或者老闆，如果實名高調談論敏感話題或者發表文章，除左會被港共政治迫害，職場上或者生意上都會受到打壓，好有可能會影響自己的生計。每個人可以接受的風險和壓力都唔同，應該受到尊重。
黃世澤住慣左德國，當左所有人都在德國生活，忘記左香港人沒有言論自由，唔可以無所顧慮地實名發言。佢在安全既德國嘲笑香港人唔夠膽實名發言，其實相當荒謬。
一個人講野有冇道理，在於佢既理據而唔係佢既身份，對事不對人才是客觀科學。
如果黃世澤唔同意某D人既觀點，應該以理服人，用理據去說服觀眾，佢唔應該批評人地「匿名」，用衣個理由去 discredit 其他人。
仲有一點好可怕，黃世澤成日叫觀眾幫佢起底其他匿名既KOL，佢似乎想將佢唔認同既KOL既個人資料曝光，佢衣個做法有機會害死在香港發表敏感言論既匿名KOL，真係好有問題。
