「議會戰線的看法」「雖然沒有能力改變政策（一向都係），至少可以出聲反對、表達民意（暫時仲係）」「言論自由不斷縮窄，出聲反對的空間已經愈來愈少，不應該主動放棄」「比人無理趕走好過自己投降放棄，至少可以再次顯示港共的醜惡」「議會戰線唔會令到國際社會誤會，佢地已經好清楚香港係極權社會」「樣樣都試下，兄弟爬山，各自努力」「千其唔好互相指責、嘲笑」 ---------------------------------------------- 稱民主黨「內聚力」良好 羅健熙：至少15黨員願參選立會 （Microsoft新聞網） https://bit.ly/37fjV7s ---------------------------------------------- 幾日之前見到一篇新聞報導，內容關於民主派參選立法會，所以就「議會戰線」衣個議題思考左一段時間，想同手足分享一下。 （此文中，議會是同時講緊區議會和立法會。） 首先，我們很難透過議會 改變/阻止 港共推行的政策，這是十分清楚的，所以不必再討論。 雖然我們不能夠改變政策，但係議會可以提供一個平台去表達香港人的反對聲音。 手足不要看輕這一點，這是我們跟中國人的分別。中國民眾不能夠改變政策，也不能夠公開反對政府。直至目前此刻，香港人雖然不能夠改變政策，但係暫時仲可以出聲反對政府。 在香港這個專制極權社會，「出聲反對政府」不是一個必然的權利，現在已經有大量跡象顯示香港人慢慢失去這權利。 大家記唔記得國安法後好多人delete Facebook/Instagram 既內容？大家睇唔睇到網台燒山再不能夠返回香港？大家知唔知道網台傑斯因為批評政府而被檢控 4 項「煽動行為罪」？ 言論自由不斷縮窄，出聲反對的空間已經愈來愈少，因此我們不能夠輕易放棄任何一個可以出聲反對政府的空間。 雖然港共可能會無理DQ立法會議員，但係咁樣係港共既問題，我地唔應該主動放棄自己既公民權利。我地比人無理趕走好過自己投降放棄，至少可以再次顯示港共的醜惡。 上屆既立法會議員，在抗爭期間表現得唔錯，建議佢地可以按照自己情況考慮再參選。記住，如果港共DQ係港共既錯，我地唔可以自我閹割，主動放棄政治權利。 其實港共每次DQ民選議員都會受到國際社會強烈批評，損害香港既國際形像，港共唔係完全「冇代價、零成本」。 仲有，我地唔使擔心參選立法會係endorse緊港共政權，其實國際社會已經好清楚香港係極權社會，如果唔係點會設立方便香港人移民既政策，佢地都知道香港「出事」。 西方國家在香港有好多利益，有好多人脈、情報，佢地根本對香港既政治問題好清楚，議會戰線唔會令到國際社會誤會「香港有正常既議會」，佢地唔係低能。 香港已經比共產黨全面掌控，各式各樣既抗爭戰線都有難度，手足即管盡力去做就可以，唔需要太過計較成敗得失。 最後呼籲所有手足堅持住「兄弟爬山，各自努力」既精神，如果唔認同其他手足既路線，可以執行自己認同既路線，千其唔好互相指責、嘲笑。 「我雖勢弱言輕，決不虛作無聲」 「見到不公義，即使未必改變到，至低限度要出聲反對。」 2.5K viewsedited 01:49
