「大部份香港人只願意公民抗命」「未來即使再有抗爭，到時勇武抗爭的難度和風險會更高」「要有心理準備，將來可能真係要走回頭路，做番傳統既遊行示威既野」
由2019年至今，可以客觀地去講，大部份香港人都只是願意「公民抗命」，只有極少部份香港人願意用自己生命去「武裝革命」。
兩年以來，香港幾百萬人入面，有幾多香港人真係會用自己生命去同黑警既真槍實彈去生死決鬥？
唔好講話真槍實彈咁誇張，遊行示威入面，真係企係前面，參與勇武抗爭既手足，佔整體黃絲幾多%？
我們示威中破壞的，絕大多數是死物、建築物，有幾多個黑警受到嚴重傷害？
一場示威入面，我們幾十個手足重傷，都未必會有一個黑警受輕傷，大部份武力衝突都是捱打。睇新聞見到爆頭、爆眼，全部都係我地既人。
無論你接受或者不接受，以上就是殘酷的現實，香港的情況就是這樣。
加上現在進行的司法迫害和無所不包既國安法，未來即使再有抗爭，到時勇武抗爭的難度和風險會更高，勇武手足和後勤支援的人數一定大為減少。
今時今日仍然高呼革命既手足，真係要客觀面對香港既情況，了解下大部份香港人既心態。如果繼續期望香港人會革命，只會招致無盡的失望。
大家要有心理準備，如果真係要持續抗爭，將來我們可能真係要走回頭路，做番傳統既遊行示威既野（e.g. 舉下牌、叫下口號）。
我們要接受現實，從現實情況出發，找尋可行的出路。
