「點解咁多人批評試當真？「答案兩個字講完：虛偽」「試當真三子，係見利忘義、過橋抽板既虛偽典範」「利用時事政治上位，紅左就唔理社會議題」 點解咁多人批評試當真？答案兩個字講完：虛偽。 遊學修、許賢、蘇致豪，係見利忘義、過橋抽板既虛偽典範，利用時事政治題材上位，爭取曝光機會，宜家試當真紅左就唔理社會議題，為左係娛樂圈搵錢、賺廣告費就自動收聲。 從來冇人脅迫佢地拍時事政治相關既野，全部都係自願性質，宜家紅左就同社會運動切割，一句聲都唔出。 許賢、蘇致豪，反送中抗爭期間拍左好多抗爭作為題材既片（e.g. 孫文的野望），專門吸納黃絲手足既市場，人氣度大增。 幾年前，遊學修（學舌鳥）更加講到明會利用自己既名氣會回饋社會運動，務求為自己打造一個追求公義既抗爭明星形象。（蘋果訪問片段，鐵證如山） 簡單而言，衣幾年以來，試當真三子都係透過時政議題而為人所知，從中去獲取大量知名度，佢地既冒起根本同政治息息相關。 宜家試當真紅左，有好多廣告，就即刻自動收聲。原來以前既野全部係為左爭取知名度、關注度，只不過係做生意既公關手段。 佢地唔係沉默唔出聲咁簡單，仲要是非不分，幫TVB拍撐警劇MV，幫黑警洗白！（之前已經出過post鬧佢地） 6月4日係香港既敏感日子，有人問試當真點解唔出聲，佢地既成員阿慈竟然話「我跟開美國時間，sorry」，有冇搞錯？死左咁多人既慘劇，咁都可以拎嚟講笑？ 試當真三子真係非常可恥、好鬼核突，以前要上位就為公義發聲，全力爭取曝光率，宜家紅左就扮咩野都睇唔到，名成利就即刻同香港社會議題切割！ 如果佢地以往既題材唔牽涉時事政治，佢地會有咁多曝光機會？會有咁高知名度？會有咁多人識？唔通佢地既市場係藍屍大媽、撐警阿叔？ 強烈呼籲香港人唔好再 觀看/訂閱 試當真，所有良心商戶、良心YouTuber 拒絕同試當真合作，香港人唔可以助長衣D咁虛偽既YouTube channel。 另外，建議遊學修退出娛樂圈，立即消失於公眾視線，正正經經打份工。之前拍哂片聲稱「名氣會回饋運動」、「繼續講政治」，宜家有名氣就話「自己有權唔出聲」、「唔講政治」，根本佢既人格已經全面崩潰，係一個唯利是圖既卑鄙小人。 大佬，從來冇人迫佢高調表態，所有野都係自願。遊學修透過政治表態獲得名氣，受到媒體訪問、黃絲吹捧，宜家有名有利就改變態度，大叫「政治唔關我事」，真係好唔知醜！ 參加過2014佔中既手足，宜家大部份仲係生勾勾，遊學修以前做過咩野、講過咩野全部都有哂網上記錄，年輕既手足也可以問下參加過佔中既手足求證。 ----------------------------------- 游學修接受蘋果訪問 如果說我們上位了，成功之後 開始片段不再談政治，開始離場了 那我覺得這就是佔便宜 那你就活該了，對，活該 如果我們之後做的事 全都是商業搞笑，但絕口不提黃絲 我就會覺得，對 我在佔便宜，你即管駡 但如果我一直在做 自己上位了，有名氣了 但我的名氣會回饋運動 會回饋社會的時候 我覺得沒有問題，我自己的看法是這樣 ----------------------------------- D100 - 同意游學修就LIKE & SHARE https://www.facebook.com/D100HK.M/photos/a.287105994734995/745439788901611/ 「我們做的，只是拍關於人與社會的題材而已。如果你的電影、你的創作、你的生活重心仍然與政治分隔，那麼屬於異類的相信是你，不是我們。」 「我不短視，我比投共親中的人更有遠見，因為我信有天公義會取勝，我們才是主流。若香港要死，我亦沒打算棄她而生。」 「我們是搞表演搞娛樂的，名和利若對我們不重要，說出來你也不相信吧？只是名利以上，還有一樣價值叫『公義』。」 ----------------------------------- 《孫文的野望》 第一丶二集 https://www.facebook.com/watch/?v=219225249343387 ---------------------------------- 要攞名氣就透過政治社運，賺錢就話「唔好講政治」、「有權唔出聲」 https://t.me/hongkongindex/2661?single 388 viewsedited 00:24
