「針冇兩頭利，魚與熊掌不可兼得」 「可能多人但係溫和」「激烈但 | 香港民主自由資訊目錄

「針冇兩頭利，魚與熊掌不可兼得」
「可能多人但係溫和」「激烈但係一定少人」「要《做野》，就聚唔到人」「要聚人，就《做唔到野》」

香港已經好難再出現2019年果種大規模衝突或者幾區開花，宜家要叫手足參加和平既聚集都唔容易，更加唔好講大規模既激烈衝突。

司法不公、嚴刑峻法，抗爭成本幾何級上升，香港人已經膽怯左好多，玩法已經完全唔同哂。

真心建議手足唔好再執行街頭特別行動（e.g. 堵路、燒野）或者大叫一D觸犯國安法既港獨口號，因為咁樣會令到其他手足驚慌，選擇即時離開，令到現場永遠都聚唔到人。

今時今日，夠膽行出黎（純粹企係到）或者叫溫和既口號，已經係一種勇氣。每個手足可以接受既風險都唔同，如果將場面升級，好多手足都 冇能力/冇膽量 跟機，無奈被迫要離場保障自己。

針冇兩頭利，魚與熊掌不可兼得。可能多人但係溫和，激烈但係一定少人。要《做野》就聚唔到人，要聚人就《做唔到野》。

唔好再諗住好多人一齊《做野》，堅持要《做野》，就唔好預期有好多手足陪你。如果想好多手足一齊出黎，就唔好諗住要《做野》。