藍屍黃世澤比起一般藍屍KOL恐怖同危險好多倍。主要原因係佢好識得扮哂批評政府，令到我地有部份黃絲會誤會佢係自己同路人，黃世澤既功能同一般藍屍KOL唔同。 以黃世澤抹黑在囚政治犯為例子： 一般藍屍KOL既觀眾係藍屍，藍屍觀眾聽到藍屍KOL抹黑政治犯、在囚手足，只不過係聽緊佢心入面都相信既假野，佢地由始至終都係受到誤導，持有偏見，立場唔會因此改變。 但係黃世澤既觀眾係黃絲（因為佢扮黃鬧政府），黃絲觀眾聽到黃世澤鬧爆政治犯、在囚手足，會對自己既信念產生質疑。 藍屍黃世澤好鍾意在影片中加入一D抹黑既部份，佢成日無證無據之下，用一D好惡毒既言詞去抹黑被港共針對既政治犯、受壓迫團體/人士。（例子：香港議會、暴動罪邱文勁、黃店HK9Cake....） 當黃絲觀眾成日聽到黃世澤鬧爆民主人士、坐監手足、黃店係仆街、人渣，有部分觀眾真係可能會信左黃世澤，將好人當做仆街，誤會左一D為香港民主自由全力付出既人。 扮黃高手黃世澤做到一般藍屍KOL做唔到既分化功能，佢透過批評政府去獲取黃絲信任，成功進入黃絲觀眾市場，然後藉此大量抹黑、唱衰被港共針對既團體和人士，達致從內部分化既效果。 仲有藍屍黃世澤唔係淨係抹黑被港共針對既團體/人士咁簡單，宜家黃世澤仲識得動員支持者去起底、identify 國安、黑警重點打擊既對象。近期被拘捕既香港獨立黨，係藍屍黃世澤既針對目標，佢呼籲支持者去為獨立黨「影大頭」，為國安提供情報，協助國安拘捕政治犯。 大家要搞清楚，藍屍黃世澤係叫黃絲（佢主打既觀眾群）幫手去影相協助國安搜集情報，衣個成件事最恐怖既地方。藍屍黃世澤正在黃營入面打造一個人人都不可信、互相舉報、互相起底既恐怖文化。 簡單黎講，一個扮黃KOL黃世澤做成既負面效果，大過幾十個擺明係藍既藍屍KOL，因為黃世澤成功入左黃絲市場，誤導黃絲觀眾相信「衣個係仆街、果個都係仆街，黃營好多仆街，就算坐監既政治犯都係仆街」。 希望手足能夠在唔同場合，同多D人講番藍屍黃世澤做過既仆街野，減少手足受到黃世澤抹黑既負面影響。 29 viewsedited 21:23
