2023-02-18 11:24:17
【 日文回收 logo の迷 】
不時都有街坊問日文同韓文嘅回收分類唔知點處理，以下轉載自「沙田不是垃圾站」：
除咗韓文回收 logo 之外，經常有唔少街坊都會拎住日文回收 logo 嘅塑膠過黎求翻譯，其實日文回收 logo 非常簡單，同大家分享一下少少心得啦！
最常見嘅塑膠回收 logo 寫住「プラ」，意思即係可回收塑膠（圖左上） 。日本政府規定可回收塑膠包裝上（1 號 PET 樽除外，會用番通用回收 logo）一定要印呢款標示，方便下遊回收商識別，但就未有强制標示塑膠種類。
生產商亦可自行係「プラ」下方列明塑膠種類，如 PE, PP 等，（圖右上）而 PE 包裝通常未有再標明 HDPE （2 號）或 LDPE （4 號），但 LDPE（4 號）延伸性較佳，大家可拉一拉試下。
如「プラ」下方有不知名日文字，其實係標示緊產品不同部份嘅塑膠（圖左下）。困如圖中樽蓋為 PE，樽身為 PP（5 號）。
如包裝由多種塑膠複合而成，亦會分別列出，當中主要塑膠類別下會有橫線標示（圖右下），但香港回收系統未能處理呢類複合物料，所以可歸類為 7 號 。
74 views08:24
廣
