​​大家有睇新聞都知今日咩日子啦，相信好多人都覺得好無力，廣義上 | 乜鳩Bot Official Channel

​​大家有睇新聞都知今日咩日子啦，相信好多人都覺得好無力，廣義上都想為香港前途出一分力，但以身犯險又唔係個個做到。趁大家仲滶動緊，想為香港做啲嘢嘅呢個 moment。想推介三個地方比大家捐下銀，五十好一百好，再窮都試下捐十蚊八蚊，好過買六合彩捐俾馬會吖，又或者課金落手機 game 抽啲三星嘢。

https://m.facebook.com/hongkongfp/
Hong Kong Free Press，一個獨立嘅英文媒體。香港嘅英文報導，坦白講係俾大家好熟悉嘅《南華早報 South China Morning Post》壟斷緊，呢份嘢喺 2015 年就比阿里巴巴收購咗，編採取態儼若星島。HKFP 係一個免費嘅英文本土新聞網站，利用捐款維持營運，確保其編採取態不受任何資金綑綁。

https://m.facebook.com/profile.php?id=396495580557502
傳真社，相信都唔係一個陌生嘅名字。同樣係利用捐款營運嘅網媒，同時亦以新聞社的方式運作，被報社引用時會收取報料費。主要提供深入嘅專注調查報導，以確實證據為基礎，報導時亦會同時保密報料人嘅身份。相關維基頁面有詳細介紹，清楚明佢地成立而嚟調查過嘅個案︰https://zh.m.wikipedia.org/zh-hk/傳真社

https://m.facebook.com/sparkalliancehk/
除咗梁天琦呢個響噹噹嘅名之外，其實仲有逾百名的抗爭者被捕在囚。星火同盟就用嚟支援無政黨，鎂光燈以外的被捕、被囚者，為有需要的人士、他們的親友提供各種支援服務，具體包括免費被捕保釋及有關法律諮詢、被捕者上庭出入護送及緊急醫療資助、探訪及援助在囚人士及其家屬，以及協助他們獲釋後重新就業等等。

我唔敢講話好大幫助，坦白講呢啲小小嘅付出唔會叮一聲就變返好香港。你當為香港嘅前途買張六合彩都好，每個月捐十蚊，已經幫到呢啲組織好多了。Sorly 呢段字完全唔關歌事，但作為一個香港人，為咗令香港變好 1％ 我都要講㗎啦（其實可以當係商台有誰共鳴咁聽，睇完碌返上去播首歌仔）。大家有咩其他建議都可以點歌咁講俾我知，多謝大家睇晒呢幾百字。