https://www.patreon.com/posts/57655208 //仇恨螺旋槳:卡加利冬季生活(存?)指南(1) 上次提到自從加拿大開關後卡城就越黎越熱鬧,同時呢邊又開始入秋(?)了,又成日見啲KOL話冬天-20度,各位新朋友仔應該準備咩過冬呢? 首先作為一個怕凍撚要為卡城申冤先,-20度既日子一個冬天一般只有兩三個星期,(不過個兩三星期就真係辛苦),而且有個當地獨有既氣候現場CHINOOK,喺凍到咁上下時會出現CHINOOK暖流,有得抖抖。不過凍係事實,尤其我地呢啲身體適應左暖既地方,以下都係螺旋槳係度第一個冬天(爆擦流)血的教訓。 衣飾類 長羽絨 : 如果你係無車人(如螺旋槳),係要行出去搭巴士返工放工、係要拎住啲餸行去搭車既,一件擋風防水既有帽羽絨必不可少,雖然行得耐個身又會熱,但一有風或者落雪整濕身係好辛苦的,撚建議最少有400密度以上,怕凍撚可能要550以上先夠應付。// 139 views21:50