https://www.patreon.com/posts/57974398 //卡加利冬季生存指南(二) 冬天要生存，除左保暖，仲要保濕! 上次講完保暖衣飾，今次就講下護膚。好多人誤會護膚只係女人先需要，但當你黎到加拿大，尤其卡加利，唔護膚同自殺都無分別。 今日(10月尾)卡加利日間相對濕度只得22%，夜晚回返少少有48%﹔1981年2020年全年平均濕度，清晨6點有72%，日間濕度就只有48%﹔唔計落雨落雪會上到95-98% (畢竟呢度一年有超過200幾日係有陽光)，最低濕度則夠膽死只有8%或者12、3%!! 睇返香港，今日只有24度，可以話已經入秋，最低濕度都仲有65%以上，回南天更加係日日99%。 天氣乾爽係舒服，但長期咁乾燥會令皮膚缺水，唔夠水份維持天然屏障，爆擦會造成開放傷口，除左流血同痛，仲會增加感染機會。乾燥又會令皮膚失去抵抗力，除左濕疹，有時摸完紙箱呢類污糟野隨時敏感大爆發，R極都R唔個吓完真係喊出黎。曾經同屋有個男仔因為無搽野乾到又痕又痛，日日心情都好似呀SIR咁曳，結果R到爛晒要睇醫生搽藥膏，從此死死氣每晚叫人幫手搽野。 護膚既野，唔保証做左就完全無皮膚問題，但起碼無咁多同嚴重，唔想受呢啲苦你首先要認識兩個概念-- 保濕同鎖水， 保濕就係pump啲水入皮膚，同人體油脂越接近、分子越細既產品越易被皮膚吸收﹔鎖水就係點樣將水份保留係皮膚入面，有油份既產品會停留係皮膚表面形成一層膜，阻擋乾燥空氣抽走皮膚水份，所以最好選擇半水半油產品，比例接皮膚性質決定，一般黎講你至少要有:// 102 views14:37
