https://www.patreon.com/posts/58869769 //Julian:香港地產霸權唔會消失 有意見認為香港地產商將會被「開刀」，依個形容詞可能未面太武斷。香港最值錢嘅資源係土地，除非佢好等錢洗/想發動臺海戰爭，主動推冧地價樓價，本質上都會倒自己米，而且政府冇理由會將明日大嶼啲地賤價出售。北京嘅政策唔係要取締地產商，而係要收割市場上，發展成熟兼有壟斷性影響力嘅角色，使政府能夠喺市場（冇話係自由市場）擁有絕對嘅主導權，一錘定音嘅決策權，甚至架空權。 當然，市面上多樣化嘅地產商唔會係北京樂於所見到嘅現象，佢可能會透過「租金管制」等等嘅政府干預政策，去淘汰一啲監管成本比較高嘅地產商。就好似對澳門賭業牌照發放收緊道理一樣，減少行業多樣性，然後再安排「政府顧問」進入，操控企業。到時候，大劉同甘比響華置都唔可以話晒事，一樣要聽聖旨。 有學者用「國有化nationalisation」去形容呢個趨勢。不過依隻字未免out咗，因為傳統嘅「國有化」係指由政府人員直接運作產業；如果係由黨國體制下吸收企業去運作產業嘅話，倒不如形容為「黨產化」，甚至「官商勾結制度化」 // 13 views20:56
