عاوز اعرفك الفرق بين either/neither/both شوف المثال ده ومنه هت | تعلم اللغه الإنجليزية Learn English

عاوز اعرفك الفرق بين either/neither/both
شوف المثال ده ومنه هتعرف تفرق ببنهم لو ادامك قميصين واحد أزرق والتانى أسمر
فى 3 احتمالات ادامك
اول احتمال ان الاتنين عجبينك وهتشتريهم وهنا هنستخدم both اللى معناها كلاهما مثبته و تأتى مع مثنى وبتاخد فعل جمع طبعاً منا هشترى الاتنين فهنقول
Both of these shirts are nice.
I will buy them.
والمعنى هنا كلاهماجمال.سوف اشتريهم
الإحتمال التانى أنك تختار واحد منهم وهنا هنستخدم either ومعناها أى من وتستخدم للاختيار وياتى معها فعل مفرد طبعاً محنا هنختار واحد من الاتنين
فهنقول
Either of these shirts is nice.
I will buy the blue .
والمعنى هنا اى منهم جميل . سوف أشترى الازرق يعنى اخترت منهم وتسأل عليها ب which
الإحتمال التالت انك ميعجبكش القميصين
انت حر طبعاً فهنا هتستخدم neither ومعناها ولا واحد وبتبقى هى نفسها نفى وبتاخد فعل مفرد طبعاً منتا مش هتشترى ولا واحد فهتقول
Neither of these shirts is nice.
I don't buy any one.
وهنا المعنى ولا واحد حلو. لن اشتريهم
يبقى الخلاصه
Both بتجمع الحاجتين مع بعض
Either بتختار واحد من الاتنين او اكتر
Neither بتترك الحاجتين
اتمنى اكون قدرت اخليك تفرق بينهم

ا