#Admin隨筆 Q: 其實練體能同練武，練完之後又點？會夠人地支槍打 | 老母教仔

#Admin隨筆

Q: 其實練體能同練武，練完之後又點？會夠人地支槍打？況且人地咁多時間操，根本唔會超越到。

A: 現代戰爭都係用槍同飛機大炮，但係人地美軍都係要練體能同近身格鬥，如果無用佢地仲會唔會練？我地Admin就覺得自己無資格質疑美軍嘅，而我地都相信問呢條嘅人，都唔係咩軍事專家或者軍方教練。

戰場上，每一個人都有佢嘅生存機率，呢個數值係好多樣野加埋嘅總和，包括個人嘅體質、技能、裝備、判斷力，以至係團隊嘅teamwork、領導、戰術等等。無錯體能同戰鬥技只係其中一環，但係要提升嘅話，其實係成本同難度最低嘅一項，但偏偏有好多人都會忽略左。

如果係認真看待呢場仗嘅話，平日要做嘅就係唔放棄任何一個機會，儘可能將上述所講嘅生存機率最大化。其實主張唔操練體能同格鬥，個問題唔止係實用性咁簡單，而係反映左背後個種唔肯力求進步嘅心態意志。

再講可以咁比喻：
100隻羊係永遠無可能打贏一隻獅子，但如果個100隻羊換成100隻獵犬，咁就完全係兩回事。如果個100隻羊肯每人行多一步，成件事個影響力會遠超你想像。