HK Wonderland 🇭🇰

2022-07-24 08:51:49 李嘉誠安老院提供既工作種類比較多樣化，即係無咁悶，有推老人家晒太陽、餵餐、洗抹輪椅、洗魚池、打掃、搬物資、以上都係常規性工作，即係做極都會有。

有可能係因為我高大，餵餐都唔會派我去，因為見到協助進餐既，都係較細粒既男士或女士，定係因為犯有關性既罪行，唔太方便同阿婆接觸？

不過無論我負責乜野，我都會搵到開心位，
可以講下…
「推院友晒太陽」- 用推呢個字，係因為佢地都係不良於行，要坐輪椅，落樓下曬太陽對於佢地黎講，都好唔輕易，所以我地絕對係幫輕左工友。去花園兜風，我會同佢地傾下計，唔出聲既就逗下佢講野，引下佢地笑，好多野講既，就聽下佢地講乜野，聽得明就比多啲回應，「係真架？」、「我唔知道添」、「你好勁呀！」呢三句溝仔金句，原來對公公婆婆都一樣掂，連已經口齒不清或鄉音太重既，聽到都會好開心。

「洗魚池」- 我好鐘意將物件整乾淨，對於洗抹性既工作，我本質上就喜歡，細個時見到剷泥車履帶上面積左好多泥，見到門軌內積左灰塵垃圾，風扇葉上綑住既灰邊，都會好想剷清佢、挖走佢、抹左佢，感覺好舒服，其實宜家都會呢個衝動…就如響活動內幫女士驗身時，見到佢地妹妹洗唔乾淨，都會搵手（戴住手套）卒走大部份污垢，先叫佢再去洗。
魚池有一張16人大圓枱既呎吋，洗一個魚池可以洗半日…先撈起啲魚，擦走池壁既污垢，想撤底清潔就搬開啲石，用水喉吸走三份一既水，有啲人唔識，第一口用嘴吸，扯啲水由個池出外邊，試過有學員話吸左啖污水入口，好嘔心；其實只要先將成條水管注滿水，兩頭用手按住，一頭放入池，另一頭放響池外，放開手，污水就會自動被扯出。
吸既同時要吸走啲落葉同垃圾，只能吸走三份一既水，唔能夠換太多水，否則啲魚會唔適應同埋比水入面既氯殺死。
學員通常都唔會鐘意揀洗魚池，因為要濕手濕腳，無冷氣仲要曬，洗既時候會有臭味，完成後個人又濕又臭，有啲人會預做完社令，仲可以乾乾淨淨咁去街，但我就幾鐘意果種豁出去既快感。

由於有超過一半既時數係響安老院渡過，當中有經過聖誕節，院方要求我地要攪活動比老人家，班學員大部份都已經熟絡左，知道我攪開活動，就十幾隻手指指住我，「佢啦！佢拿手攪活動…」嘩~攪乜野呀？「性誕耆英會」呀？不過推唔到，惟有接，況且攪會都係想帶比人開心、愉快，非一般既體驗。最後果項，響呢度就應該發揮唔到，但如果可以令到一眾老人家得到前兩項，都算係成就解鎖丫。最後攪左個有簡單魔術、講故事（笑話）、猜謎語既活動比老人們，算係最開心既一次社令經驗。

直到2009年服務令才完結，這段時間要好感激Ava陪住我，有佢既支持同鼓勵，160小時，只有樂，沒有苦，感恩她的付出。

2008年發生既事仲有好多，但由於要部署寫Patreon和寫書既鋪排（講左好多年了），會放多一點時間在那些地方，這裡可能要暫停一下，不過我希望大家不要離開，未註冊的請註冊，未來有新動向，都會響呢度發佈，謝謝大家支持。 打开/如何

2022-04-27 21:21:10 〈圖片截錄自電影"壹獄壹世界"〉 打开/如何

2022-04-27 21:19:08 打开/如何

2022-04-27 21:18:54 社令生涯
160小時社會服務令，要一年內完成，如果每日要做八個鐘，就要做廿日，話多唔多，話少唔少，因為唔想影響人正常工作，每星期至少出席一次以上就可以，當然想要多日，儘快完成都可以。

第一次工作地點係柴灣某社區中心，我響地圖搵過，已經唔肯定係邊間。當日負責砌磁磚，有位導師教識我撈水泥，點樣貼磚上牆，點樣將磚𠝹開去填細位，亦比自由度我發揮，我就利用唔同色既磚砌出特式花樣，當時有影相，因為係社令既第一日，人生第一次學做泥水砌磚，好應該留個記念，可惜我響電腦搵左幾晚都係搵唔到。

社令工作主要係建設勞動類，未有聽聞會派去做冷氣房既文職工作，就算我犯既係「發放淫褻性物品」，屬於科技罪行，都唔會比我用我既專長黎回饋，幫政府發放宣傳資訊，教小朋友老人家上網搵資料等等…一樣將我同其他犯打交、店鋪阻街、賣老翻、欠交罰款既響一齊，要痞低起身、身水身汗咁做粗活，連白花油王子都要響大潭油護土牆，不過由於佢係名人，加上犯非禮的士司機，出名加上出名，郊遊經過既人都對佢指指點點，帶騷擾性，後來就安排佢去比較人少同埋靜既地區工作。

除左砌磚牆，之後同樣有試過去赤柱大潭童軍總會用油漆翻新會內設施。我算係做得比較認真既學員（有聽過帶住我地既社工，用「學員」呢個稱呼黎介紹比單位負責人）對被派既任務都會認真完成，儘力做到最好，我唔當自己係受緊罰，我當自己係學緊野，體驗緊生活，所以都輕鬆愉快。反觀其他人，唔少都係冤口冤臉，得過且過咁捱時間。
唔知係唔係因為咁原因，中後期大部份時間都係被派去近南昌街既聖公會李嘉誠安老院，照顧老人家，比較舒適同埋無咁悶。
初期獲派既工作，差不多次次都唔同地方，遇到既學員都唔同，而工作大多數係獨自執行，我唔食煙，唔需要「透氣」，因此同其他人無乜交流，一聲hi，一聲bye就算，而響安老院，由於進駐時數長，次次都主要係果班學員，加上好多時需要合力完成任務，因此就好快混熟。

當大家見左幾次面，覺得都係玩得講得笑，就開始夠膽問「你衰乜野？」，當然明知唔會有械刧、殺人、綁票呢類大茶飯，大家講出黎既都係比較「溫和」或「勇猛」既罪行，即如上邊提過既類別，從未聽話自己衰高買（唔明偷野點解叫"高買"，上網查一查，原來…舊時人們對竊賊的委婉稱呼，指“買”東西不用付錢，手段高明。此語曾流行於20世紀初或更久遠的時代，後來不再流行，但香港仍保留，如商店裏的警示招貼：“嚴拿高買，送官必究”。）、偷窺、偷拍、欺詐、非禮、醉駕等人格陰險失德類罪行，我坦白講我係犯「發放淫褻性物品」算係當中最樣衰既罪名，事後諗下都覺得自己傻，話會員犯會規比我打到腦震蕩咪好囉。

橫掂又唔會好似電影咁有阿sir爆我地犯乜野既，講乜都得啦… 打开/如何

2022-03-27 23:43:37 你是變態嗎？
安排了到沙田社署見感化主任，一共見了兩次，由同一位女主任負責，是一位高挑美婦。見面時對答像在做心理評估，大概是想知道我是否異於常人，俗稱「變態」（成為會長後，無論別人的行為有多怪異，性喜好有多罕見，我也不會用這個詞去形容，因為在別人眼中，我們也可能是變態的一群，可必五十步笑一百步呢）。她問我以下問題…「平日腦入面會唔會佔大多數都係女性既身體？」、「響街上睇見女性，會唔會幻想佢地既裸體？」、「平時出街會唔會想摸其他女人？」…。
可能小學時太曳，見訓導見校長如家常便飯，應如何去面對主事人，用什麼態度，什麼眼神都訓練有素。試過有一次明明是我在課堂打人，去到校長面前，我一句話也沒有，任由被打的同學哭訴慘況，最後被掌嘴的是控方，我無罪釋放。
我smart causel 坐在感化主任對面，我們隔著一張枱，解手可及的距離，看著她放在枱面上的文件，當要答問題時才望著她回答，就像見工面試一樣的語態，我沒有以待罪者姿態去面對這件事，不亢不卑回應：「我只係活動既攪手，一個正常人，喜好都好普通，對妳所問既行為，無興趣…」其實心裡面想講「小姐，有無興趣了解下我個會？」
背景調查報告出了，最後一次上法庭，感覺沒什麼緊張，可能已經安排好了後事，人也看開了，那時已經信奉了「一切也是最好安排」的觀念，是坐監還是判服務令也沒什麼關係，還想到，如果在獄中以我的性格應該可以結識到不少江湖朋友，放監後應該會全力行蠱惑…賭我不精，毒我不會碰，對斬人興趣不大，最有發揮空間的應該是在「黃」方面，我主持的服務性行業，應該都係安全健康的。
最後判了160小時社會服務令，那時對這個數字的時數還沒有什麼既念，後來跟其他「令友」（也不知如何稱呼同被判社會服務令既朋友仔）分享，所犯何事，原來160小時算係中位數，有些令友判240小時，同謝霆峰2003年頂包案所判的同時數（原來已經係最高的時數）而藝人湯盈盈、蔡一傑、羅鈞滿都曾因醉駕而被判100至160不等的社令，當然不得不提，跟我同期的白花油王子顏福偉，因非禮的士司機而被判180小時，跟以上一邦人都可以算是「令友」，高攀了。 打开/如何

2022-03-11 19:26:27 星州法官的仁慈
2008年一月發生陳冠希裸照事件，傳媒和司法界對這類網上風化事件較敏感，無論檢舉和量刑也會較緊，除了刑罰之外，我也擔心出庭時會受到追訪或身份見報，律師吩咐穿著有帽的衫和準備口罩太陽鏡之類。然而兩次上庭時庭內外也有點冷清。沒有被媒體報導是好事，判刑時便不會受影響，甚至失去殺一儆百的效果。

終於要面見這位星洲官老爺，他架住厚厚粗框眼鏡，道貌岸然，十分古肅，如果不是他座進了法官的高座，我還以為是教中史的老師到場聽審。
律師陳述了案情，表達我是一個成人性趣的發起人和全權負責人…法官看了看案情報告，看看我，看看求情信，再看看我，翻開我的CV，再看看我，再看CV，再看看我，這動作來回五六次，越看我便越心荒，想有話想講想補充，但若真要講，也不知道可以講些什麼，可況根本沒這空間給你發揮。
他終於開腔：「等候社署既背景調查報告，睇下係咪適合判處社會服務令…」他頓了一頓…（我全身拉緊了）…「退庭」…即是怎樣？我望向律師，律師向我微笑點頭示意，
我下意識向法官鞠躬，哇，不用還押監房，可以回家了。
事後回想，也不知道是否律師們的技巧。聘請律師，當然是想免罪，不用留案底，但這條路給自己攪跨了，剩下來求的便是輕判。也許星官並非有此羈留習慣，把我嚇上一嚇，預期結果便變成是他們努力的成果，那廿多萬便花得有價值了，是的，這檔子事，我花了近三十萬去埋單。 打开/如何

2022-02-13 00:55:49 律師建議我找些有頭有面的人去寫求情信，那來什麼有頭臉的人，就算有，也不想讓他們知道我犯這事，知道我會長的身份。
只好請求朋友幫忙，當時不比現在（現在就連小學老師、兒甥女都知），還未過到心理關口，能知能說的就只有會內的人，或因被邀請入會而認識的人（即係無加入的），也許是一早已知我的身份，或知道我為了個會，付出甚多，紛紛願意去寫求情信，有點一呼百應的感覺，人間有情的安慰，現在這些信，也有留起，成為珍藏。
觀乎信的內容，略帶水份，明明對會務認識淺，卻寫成理解甚深，明明不太了解我，卻又表達出私交甚篤，諸如此類，當然真實照寫也是有的。我不知道法官會不會逐一細看，希望以量取「信」，達至輕判的效果。

上庭前大約一星期，律師通知今次負責考量，是判監還是判社會服務令的是一位星加坡法官，他疾風化案如仇，最喜歡判犯事者監禁，就算是考慮判社會服務令（須安排見社會福利官作評估是否適合），他習慣性會將被告還押荔枝角羈留中心去等候約一星期。
這情況令我非常擔心，什麼要「通櫃」（檢查肛門）、不要彎身執番梘、要跟大佬、會比人打…全部電影情節湧了出來。
而如何安排家中大小事務（主要係有隻貓），如何交待這段不知長短的去向，總不能說我去坐監吧。
臨上庭前，我擬定好一切後事，誰去照顧貓，誰去照顧媽，誰代為處理財務，怎樣聯系，印好一張張單張，派發給朋友們，然後進入法庭，等候著法官的判決。 打开/如何

2022-01-03 00:45:11 2005年有套名叫撞車（Crash）的電影，當年把橫掃獎項的「斷背山」打敗而獲得最佳電影，是一部引發深思的作品。片中角式沒有絕對的好人或壞人，是好是壞就看當下所作的行為和動機，並不能以單一事情去判定，這較貼近真實的情況；而且「凡事兩面看」沒有絕對的對或錯，例如主持這個會，到底是對是錯？想參加或已經參加了的人當然覺得是對得很，但沒有興趣、違反他們價值觀的、或擔心另一半會參加的便認為是錯。我不算有宗教信仰，沒有太多道德包袱，甚至有點反社會反制度的思想，例如我會認為…（原本寫了一大段，思前想後，響無逐點解釋既情況下，只會形成大家既困惑，所以最後都係刪左佢算），有太多了，日後有機會講及時，再行論述。
無奈亦沒好氣地面對這兩位律師，解說幾句，讓他倆知道我的理念，他們若有所悟，了解與否就沒心情去理會了。
事後有分析過，那一刻為何會這樣在意，似乎並非我是不是好人，關鍵位是他們下意識認為攪會的就不是好人，延伸參加的人也不會是好東西，這是我最不能接受的偏見。

現在想來，我已經不太記得，是否獨立一堂上庭去表明自己是否認罪，另外安排一堂去求情，還是認罪和求情是同一堂發生（希望對法庭程序熟悉的朋友指正），我只記得「求情」這程序，我準備了CV以外好些人與事，也讓我經歷了十分擔心的一個可能性--坐監。 打开/如何

2021-12-19 01:08:20 既然打算認罪，肉在鉆板上，便只能求情，求情需要有理據和支持，首先需要將自己過去生活上、工作上、閒暇時值得向人展示的事蹟或獎勵集合起來，讓法官審視（即係要話比個官知道，面前呢條友除左犯呢次事之外，其他時候都是正正常常的，甚至對社會都有貢獻）。於是我便翻箱倒櫳地把我過去所作所為（當然要全部係好事喇）集合起來，並整理成一大本薄，只差沒把人生唯一一面金牌 -- 「匙羹波賽跑」掛埋上去。（小學雞既比賽，放個乒乓波響匙羹上鬥快跑完全程而唔可以跌波落地，細個時已經好鐘意諗方法，人人鏡住鏡住個波唔好跌，將匙羹同地面水平，我就啋你都傻，利用跑既時候既風力同衝力，將支匙羹垂直黎跑，即係跑果時係唔會跌，唔跑就實跌果種，快得很，當其他人奇怪我點解咁快，想學果時已經太遲，哼哼！）…嗯，拉遠了，回歸正題。

那本薄現在還保留著，重新翻開，完全是我人生的CV，21歲已經開始定期捐款，滿滿的助養助學記錄，工作上的獎項嘉許，各種各樣的訓練畢業證書，任職記者時負責的新聞剪報，連兼職馬會也獲得年度模範員工獎狀…把這本薄交給律師，一輪翻閱後，兩人看著我異口同聲「原來你係好人黎喎」我當刻即時反應是「我頂你，我梗係好人啦！」
這時才驚覺，一個攪會的人，在一般人眼裡（就算你比緊錢佢賺）都不是好東西…。 打开/如何

2021-12-09 19:16:38 你問我現在是否很熟悉法律，我當然不會認為「是」，只是知道面對執法機關，少說話，不亂說話，儘早交給專業人士去處理是最好的，前題是能夠負擔高昂的收費。
當然，最好是奉公守法，不要心存僥倖，上得山多終會遇虎。

要進入法律訴訟，就必須聘請大律師（不要妄想自辯），Raymond：「你會想聘請一位資深但貴既大律師，還是價錢平但資歷淺既？」情況就如你入了Beijing hair culture（當年梅艷芳的髮型師Andy，任賢齊的髮型師Billy也在此），可選需要預約的師父級 Stylist，也有還在學師的 Junior…，那時我剛入保險業，成績算好，但未有六位數收入，家無恆業，積蓄有限，實在負擔不了Stylist的費用，只好選了後者。
大律師（名字已經忙記了）是位四眼的斯文人，看過了我的案情，同樣地表示控方沒有足夠證據控告我，所有證據都是來自我自己的口供。商討後，抗辯是死路一條，不認罪是不可行了，只能儘可能打求情牌，希望輕判，當時最不希望的是坐牢，一日都唔會想（而案底也不是什麼好東西），絕不可能令生命添上什麼姿彩，尤其是所犯的罪名是發放淫穢性物品，沒什霸氣，在牢中其他囚友面前說出來，也顯得弱弱的。 打开/如何