［暫停運作告示］ 大埔哨台將由即日起暫停運作，相關討論公海亦隨後（7月尾前）會暫停運作。 可惜天下無不散之筵席。 當筵席嘅客走曬，就係時候要散了。 好多謝咁多位大埔人一直嘅支持同包容，好榮幸過往嘅兩年可以服務咁多個有愛嘅大埔人。一路幫我哋嘅每一位，無論係報料、睇料、友台、forward message定係公海嘅各位，感謝你哋。 無論係初頭、定係後來嘅五一感謝祭update黃店排隊時間、定係報蘋果日報數量，雖然係好忙無停過update，但都好開心大家咁踴躍。大埔人係一班好可愛嘅群體。 記得當初有限度服務通知講過：只要有一個人有需要睇，我哋就會繼續做落去。 估唔到咁快我哋就打破咗呢個約定，希望各位可以體諒我哋。 自從國安法頒布咗，哨台功用同當初成立嘅越嚟越唔同，或者我哋都應該喺呢個時候畫上一個休止符。 最後，分享一下我哋當初成立嘅初心：希望大埔人有一個自己嘅台，分享社區嘅資訊。過去嘅日子，我哋盡力去保持呢份初心，亦希望大家記住自己嘅初心，保持意志。每個人都係有無限可能性，唔需要設限俾自己。 強調一次，我哋暫別唔代表我哋放棄。希望各位砥礪前行，留有用之軀，待他日灰燼餘火重燃之時便是再會之日。 如各位有哨料，可以報去以下仍然運作緊嘅友台： 糖水channel The Watcher狩望者哨兵頻道 銀河系哨俠頻道 Scott Scout認證哨兵消息(有限度運作) 香港天氣 氣象巴打 仲有要繼續留意被捕手足嘅消息 被捕人士關注組 法庭文字直播台 7.4K views10:00
