【天水連線·官方頻道】

2021-12-24 14:52:44 逸戰平安夜的話 + Patreon開通了

逸戰由被捕至今經已還押咗三個月，面對各樣嘅開支，逸戰家人實在難以負擔，望各位可以幫補日常各樣嘅洗費，例如：私飯 、報紙 、書藉 、進修 同埋龐大嘅法律開支等等

本 Patreon 所得嘅款項將會全數支援逸戰日常嘅生活，逸戰亦會親筆回覆信件、分享日常大小事

逸戰Patreon：https://www.patreon.com/Wong_YatChin?fan_landing=true

-

「上年喺警署過，今年係懲教所過聖誕。不過開心嘅係可以食雞髀，做人要知足常樂，雖然今年唔可以同珍愛嘅人過聖誕，但盼望未來某個聖誕可以共度佳節。想同大家分享幾句歌詞：

//即使費事一點
即使快樂不輕易
最後仍可遇見//

— C Allstar 留下來的人」

願有天，我們仍會相見。

呢排凍咗好多，你哋記得著多件衫！平安夜，願各位平安！」

戰
24/12/2021

王逸戰 打开/如何

2021-12-22 21:11:31 尋人啟事 #請廣傳

今早（2021年12月22日）星期三早上11點尖東站往烏溪沙方向列車8 - 1卡車發生一宗襲擊案，由於車卡嚴重擠迫，本診所姑娘喺步出車廂期間緊隨相中男子卻不慎碰到他背脊，她已立即道歉，不料相中這名男子老羞成怒報復式批踭擊中姑娘頭部然後拂袖而去，如姑娘迅即感到天旋地轉頭暈眼花，嘴角爆裂，而且聽到頸椎有幾下響聲，及後姑娘把該名男子拍下容貌之後便向尖東站職員求助，及後於站內休息室備案及叫白車，最後去到QE驗傷，經過醫生檢查後叮囑她二十四小時觀察情況然後出院回家。

如果大家認識相中男子希望他能夠給姑娘一個交代及承擔責任，因為這類案件太多都不了了之，所以希望大家能夠幫手轉發出去，感謝

#香港人壓力大 #仲要冇人出聲 #雖然點晒相都未必會做到啲乜嘢但係都希望有個交代比當事人

Source：卓爾中醫綜合治療中心

·
聯絡天水連線：@tswcbot 打开/如何

2021-12-19 13:50:35 【最遠距離黃店比賽】

世界上最遠的距離，就係明知有間黃店你一路想試,但因為冇時間/搭車貴/冇人陪等等因素,令你止步不前。今日“免費搭車日”有冇令你起行呢？
金水圍街坊快啲一齊分開下

最遠距離街坊會送出立陶宛產品光香清潔劑

日期：20/12 23：00截止
名額：三位
禮品：光香清潔劑套裝其一產品
（萬用清潔劑 或 洗潔精或 洗衣液）
參加方法：
Facebook留言po返黃店19/12收據
選擇你想要邊個產品 例：我想要洗潔精..

計算方法：以Google map建議路線時間為計算
例如：天水圍往尖沙咀光榮冰室Google map建議路線為43分鐘。將會以43分鐘為計算比較

如想了解更多光香清潔套裝,可到 https://reurl.cc/9522lO

#本平台有最終決定權
#一帶一路 #天水圍黃色經濟圈 #天水圍黃金經濟圈 #黃金經濟圈新聞 #黃色經濟圈 打开/如何

2021-12-10 15:37:23 逸戰
-
我哋係逸戰嘅親友，逸戰因為賢學思政案還押左接近三個月，呢幾個月好少同外界有交流，令各位擔心啦 得到逸戰授權，我哋會暫時用呢個帳戶同大家分享逸戰嘅獄中生活
我哋都準備緊信箱 等大家可以寫信比逸戰，送上聖誕祝福
-
「各位不必擔心，牆內生活只是較枯燥，但同時亦比以往多了空閒時間閱讀、學習，或許也是增值自己的機會吧！願眾人平安」

戰
8-12-2021

王逸戰 打开/如何

2021-12-10 03:49:27 #投稿 #店舖投稿 #告急
=================
#屯門
#姓膠煮麵

我哋舖頭喺華都區本身已經多廢佬/藍C(aeon姐姐/工人），佢哋喺開業既第一日已經因立埸喺上網/舖頭門口攻擊我地（eg.fb wts gp)，旁邊雞朱寶（超級藍店）亦會係舖頭入面講我地壞話，好多人未食已經有壞印象或唔夠膽過嚟食，衣家先開業第三個月撞正強迫使用安心出行，好多學生/同路人都選擇唔堂食或買小食返屋企，加上位置偏遠，好少新客幫襯，上個月同今個月都係貼錢打工，但我哋捱唔到下個月，再者老闆娘本身大肚，但我哋連請一個全職樓面嘅資金都冇，所以只有一個半日兼職幫助。加上新開業知名度比同區其他黃店店舖低，所以喺熟客減少新客唔知嘅情況下，可能聖誕後就會結業…

老闆娘已經懷孕八個月，所以冇得唔請人。而且比隔離攻擊呢件事係我哋啲熟客同我哋講

屯門 屯利街 1號 華都商場 一樓（中間嗰層）59 - 60號鋪 打开/如何

2021-12-09 09:49:48 【小編有一事相求】

呢個Post，我諗咗好耐點講…
事情係，小編需要大家嘅幫忙。

有留意開嘅朋友應該知道，吳生最近放棄咗法援。有法援幫助，已經需要自費一大筆費用，如果無申請法援，所需要畀嘅費用係更大更大。

吳生一直以嚟係屋企嘅經濟支柱，雖然而家係燒緊積蓄，但佢一直都好擔心自己喺無收入嘅情況下坐食山崩，亦都擔心自己唔知要坐幾耐，成為家人嘅負擔。

所以佢由二月到而家，除咗生日嗰兩個星期之外，只食公家飯，唔食私飯。有朋友話：「睇相佢真係瘦咗好多…佢做咩唔食私飯呀？聽講公家飯xoxoxo (呢度我唔講人哋點評論公家飯喇…無人食過，都係江湖傳聞）」

面對呢啲問題，我有點手足無措。點解唔食？可以有咩原因？量入為出囉 …之前佢曾經話自己食嘢無要求，我唔敢質疑呢句說話。但我見到嘅係，佢呢接近一年，瘦咗唔知幾個碼，由豬八戒變咗做孫悟空。唯一係佢食私飯嗰2星期之後，生返少少肉。

點解我一直唔開誠布公，公開大大力叫大家subscribe patreon，去一齊喺財政上支持吳生？因為吳生一直扮無事。問親都係:「ok嘅…唔使擔心嘅…」

自己死撐。

咁點解而家小編又走出嚟希望大家幫忙？因為佢真係有需要。佢而家係會話：「睇下法律書咪當學多啲嘢！」但問心，打呢種國安案，佢仲要係畀人charge緊最重嘅「策劃」，佢係一個理性嘅人，如果有選擇，又點會用自己嘅餘生自由只係去換一門知識？實情係，如果請大狀幫忙，佢係會有經濟上嘅擔憂。

喺呢度，小編懇請各位，如果可以嘅話，請subscribe patreon。一個人嘅力量有限，我希望可以借大家嘅力量，為吳生提供多一個選擇。亦都希望可以畀佢知道，面對呢啲困難，雖然我哋可以做到嘅唔多，但亦都唔會掉低佢一個自己喺度硬撐…

小編在此感謝各位

支持吳政亨(李伯盧)關注組 Patreon：
https://www.patreon.com/GordonNgConcernGroup
----------------------------------
吳政亨（李伯盧）關注組：
Fb: https://bit.ly/3x300Ec
Ig: http://instagram.com/gordonngconcerngroup

吳政亨（李伯盧）關注組 打开/如何

2021-11-27 17:41:27 #失蹤人士 伍鏡元（29歲）
- 居住地區 #天水圍
- 失蹤日期及時間: 2021年11月26日
- 失蹤地點及原因:
獨自一人離開天水圍天葵路嘉湖山莊的住所往西貢白腊山行山，惟其後失去聯絡，家人已報警
- 其他可提供的資料:
身高約1.8米，體重約75公斤，中等身材，尖面型，黃皮膚及蓄黑短髮。伍鏡元最後露面時身穿綠色外套、黑色長褲及白色球鞋。
電話最後上線時間7:30，電話最後發出信號於東壩一帶
1036 #最新消息 有行山人士於岸邊尋獲事主隨身物品（袋，銀包，電話）
- 如有任何有關失蹤人士的消息, 請幫忙留住他及聯絡68058896 或 67339664或任何警署
--
如果成功尋回失蹤人士、或發現資料有誤，
請盡快與我們聯絡，我們會把有關資料移除或作修改。

報料 [@Welookforyou_bot](https://t.me/WestWestLookForYou) 打开/如何

2021-11-11 19:24:58 胡寧

請同我哋聯絡吖

·
聯絡天水連線：@tswcbot 打开/如何

2021-10-11 05:18:57 來自元中的一位學生
軒軒與他的媽媽

請與我們聯絡
·
聯絡天水連線：@tswcbot 打开/如何

2021-10-05 07:41:28 【物資注意事項：肉乾】

最近我哋留意到有唔少家屬都未能夠順利通過懲教署職員對於優之良品肉乾嘅檢查，將肉乾入畀在囚人士。以下我哋分享下一啲入肉乾時要注意嘅地方。

第一個注意點：每一包獨立包裝嘅肉乾包裝上都需要印有保存期限，若未有顯示，懲教署會拒絕接收，而過咗期嘅肉乾同樣會被拒絕接收；

第二個注意點：注意肉乾嘅品質。最近我哋留意到優之良品嘅肉乾未到過期日已經發霉，導致家屬未能夠順利通過懲教署職員嘅檢查。

懲教署以十包肉乾為一個單位，一個星期可以入二十包肉乾。如果有一包唔合格，懲教署係唔會接受整個單位，即係十包肉乾。所以家屬入物資之前一定要小心檢查肉乾有無出現上述嘅問題，避免有一包肉乾出現問題，導致其他九包正常品質嘅肉乾都被懲教署拒收，最後只能夠入十包肉乾。

如果有任何疑問或補充，歡迎係下面留言或者inbox我哋。

---------------------
稜·支援
Facebook | https://bit.ly/3yAcGSq
Instagram | @link__support https://bit.ly/38v0fN8
Telegram Chanel | https://t.me/LinkSupportHK 打开/如何