2022-02-25 22:27:34
話就話休台，不過見有人問起我點解俄羅斯會打烏克蘭，又有人問我點計烏克蘭要放棄核武器，我不妨同大家講吓。
首先我哋要搞清楚嘅係點解烏克蘭會有核武器，咁就要講到31年前俄羅斯未出現，仲係蘇聯啱啱解體嘅時候，就留低咗勁多嘅核武器喺烏克蘭，從而令烏克蘭一獨立就成為世界第三大嘅核武國家。
但係其他大國好明顯唔想比一個啱啱獨立嘅國家擁有核武器，所以英國美國同埋俄羅斯同烏克蘭有咗一個協議。
嗰個協議就係只要烏克蘭放棄所有核武器，佢哋就會保障烏克蘭領土嘅安全。
但係我哋見到嘅係俄羅斯30年後違背承諾，而美國毫不作為，但係或者今時唔同往日，可能事岀突發只係想再觀望情況。
不過烏克蘭外長確實喺20號話烏克蘭放棄核武係錯誤嘅決定，而某啲國家應該要覺得自己要負責。
唔係話烏克蘭有核武，俄佬就唔敢打，佢自己都有，只不過係俄佬要諗多幾步，以防你炸我，我炸你，然後各國參戰。
當牽涉核戰，就唔係兩國嘅戰爭，而係大家所講嘅第三次世界大戰，就可能一觸即發。
至於點解要打？烏克蘭曾經係蘇聯嘅一部分，大家都知。但主要原因在於2008年同2014年克里米亞危機所延伸嘅烏克蘭危機，再加上兩個由親俄恐怖份子佔領嘅所謂共和國受俄羅斯承認等種種原因。
而個人認為普京打烏克蘭同希特拉打蘇台德大同小異，想試吓各國有冇反應。
20 views長崎友呂, 19:27
中
