「女監限定有色唇膏 」2
今次想講下關於搵依支有色唇膏的難處
睇返上一個post已經上年12月
到而家4個月左右啦
在依段時間入面我每逢經過萬寧屈臣氏莎莎，甚至某啲化妝品店我都會行入去睇下
你可以話我無聊浪費時間
不過都好好好認真咁講
行左港九新界N咁多間萬寧屈臣氏莎莎
行過至少超過50間鋪頭
（仲未計各位有心人幫忙搜尋，其實已經數唔到行左幾多地方）
而搵到的機會我估係少於5%？？？
經常見到貨架得其他顏色而無型號445係平常
而我有抱住一絲希望問過職員會唔會有儲貨
通常的答案都係「放晒出黎（貨架）架啦」
有啲好心職員會講多少少「已經出左新款，舊款的貨唔會再入，賣晒就無」「唔再入貨架啦」….等等
（圖二、圖三；左邊係舊款，右邊係新款）
試過問下其他分店有無貨
但係無回音
同埋
之前 Revlon在2022年申請破產保護（最近有傳經重組後已退出破產程序）
原因之一就係受疫情等因素，全球供應鏈受影響
即係包括原材料、包裝等…
舊款又會唔會好似啲店員咁講已經無得賣？
唔知懲教又會唔會好似之前優之良品事件咁
要拖到市面上完全搵唔到先轉款？
而依一款445唇膏有好多人會話上網訂仲有，台灣都好易買到
但係！！一個在香港坐緊監的在囚人士
佢的屋企人要在香港以外的地方網購一支唇膏/一樣物資
會唔會太荒謬？
唔通就係因為有色唇膏只係女監專用
只係一小部分人用
所以懲教就唔重視？
懲教佢地會唔會定期檢視購買物資的困難程度？在市面仍然有售？或許多令親友難而購買的原因…
最終令親友可能需要向各大懲教所外售賣貴價物資的士多/鋪頭購買？
咁當然
我都有積極向懲教查詢一下
向佢地表達市面好難買到445的困憂
佢地有回應架：「本署已聯絡相關供應商，得悉露華濃唇膏 "Super Lustrous Lipstick" 型號445在市面供應穩定」
嗯
咁點解我搵左咁耐先搵到
供應穩定係行左幾十間鋪頭都搵唔到？
在此想感謝
有好多人因為見到我的Post而一齊去搵唇膏，行過路過都會睇下有無445
即使過左咁耐仍不時有人會dm我話我知
多謝、多謝、多謝你地
handwritingletters
