【到底邊個抹黑科興？】
話說政府同埋醫管局連夜發新聞稿指責有組織「以醫護專業名義，指科興疫苗數據不足，而動搖公眾對接種疫苗的信心。」
(傳送門 : http://bit.ly/3rY0hW6)
但係政府又喺同一則聲明提到科興相關數據時，又落返個註腳話「不過，有關的個案數字較少，結果仍有待進一步的研究核實。」
真係睇少一眼都以為政府想公然動搖公眾對科興嘅信心。不過諗諗下，政府咁諗先係logical。
政府又話：「該組織就接種疫苗向公眾發佈基於政治立場，針對個別疫苗的不實言論，試圖抹黑疫苗接種計劃，誤導市民抗拒接種疫苗，是將個人政治利益凌駕於公共衞生，予以譴責。」
雖然政府無提及過本會，但相信政府都無第個好鬧；政府指責本會基於政治立場抹黑疫苗接種計劃，其實只係輸打贏要。本會文章一直指出政府以政治獻媚凌駕公共衛生，忽視科興數據上未盡充分，以民族主義式盲推科興。工會到底邊度有誤導或者抹黑？真係搲曬頭。
政府唔該搞清楚，我哋由頭到尾都無反對過「接種疫苗」，我哋係反對政府亂推科興。
(傳送門1 : http://bit.ly/2P359dI)
(傳送門2 : http://bit.ly/3eQGm7x)
成件事好清楚，疫苗接種反應差，正因為政府不斷煽風點火。
