《香港家書》Vol.1 曾經，有個人只係想做好一件事， 曾經，佢因為 | 醫管局員工陣線 Hospital Authority Employees Alliance

《香港家書》Vol.1

曾經，有個人只係想做好一件事，
曾經，佢因為盡力而令所有人驚o左佢；
曾經，有班人令佢好唔放心，
但係只係曾經，以家輪到佢比個背脊我地撐住。

全文：

咁多位香港人，首先多謝喺三月初馬拉松式審訊嘅時候到場嘅每一位親友同市民。你哋嘅每一句撐住、手機嘅燈海，令到我哋感受到喺呢個壓迫嘅時代入面，無被遺忘。

但係同時，亦都懇請大家要小心保重，注意安全。

喺嚟緊嘅時間，只會越來越多熱愛香港嘅人被檢控、被判刑，而面對嘅刑期將會以年計，希望大家喺繼續關注我哋嘅同時，唔好遺忘每一位為香港自由民主奮鬥嘅鬥士。

隨着時間過去，大家嘅日子將會越嚟越難過，希望牆外嘅人唔好遺忘，唔好放棄，要堅持活喺真實當中，繼續做一個正直嘅人，咁樣就係對牆內嘅人最好嘅回報。

最後，希望同HAEA嘅會員同埋理事會講一聲對唔住，唔能夠兌現服務各位三年任期嘅承諾。如果各位希望同我分享生活嘅趣事同埋點滴，歡迎寄信去到工會嘅地址，將會有朋友協助將封信寄到我手上，我都會盡力回覆各位。