《香港家書》Vol.2 曾經，有個人只係想做好一件事， 曾經，佢因為 | 醫管局員工陣線 Hospital Authority Employees Alliance

《香港家書》Vol.2
曾經，有個人只係想做好一件事，
曾經，佢因為盡力而令所有人驚左佢；
曾經，有班人令佢好唔放心，
但係只係曾經，以家輪到我地睇住佢背脊。
================================
以下為內文：
各位香港人，記得上一封信呼籲大家做寫信師。估唔到好快就收到好多好多嘅來信，你哋嘅來信實在令我感動到喊咗成晚。
當中最意想唔到嘅係有好多上咗年紀嘅手足希望同我做筆友，請記得唔好再自稱為廢老，我絕對絕對非常尊敬你哋。
原諒我回覆嘅速度可能比較慢，一嚟只能夠每日免費寄出一封信，大約四張信紙左右。而我好少同其他人談及我嘅頸患，亦都係我從ICU轉到總部嘅主要原因，只要我書寫太耐，都會帶來痛楚，啲字亦都會越寫越衰，請大家見諒，但係我都會盡力回覆大家，你哋嘅每一句說話，每一句支持，都係我撐落去嘅動力。
最後我想再次多謝工會嘅每一位，我從信裏面先知道，呢段時間你哋仍然努力擺街站，呼籲同工或者市民做寫信師，雖然我已經離開咗我嘅崗位，唔能夠再同你地一齊努力，唔能夠再處理工會嘅事務，但係我相信，你哋一定能夠搵到自己嘅崗位繼續努力奮鬥落去，總有一日黎明嚟到嘅時候，我哋一定能夠除罩相見。