博士生入獄前專訪 寄語健仔無需內疚：努力生活，不用擔心大哥哥
//「佢中咗槍呀！救佢呀！」前年10月1日，這句說話透過傳媒的聲畫，深深烙印在無數港人的腦海之中。當日荃灣警民衝突中，中五男學生「健仔」曾志健遭警員以實彈射傷，理大博士生邱宏達走近一心救人，結果被防暴警員飛身制服。本來素不相識的二人，自此成為同案被告，命運相連。
曾志健流亡以後，法庭內的木椅上，只剩邱宏達一人。
倘若當日中槍的是邱宏達呢？
他說反而不想身邊人走近，也不會期望有人拯救。他自言想法比較「功利」，「我中咗槍嘅話，即係我為其他人中呢一槍⋯我認識太多比我叻嘅人，我作為一個綜合社會能力偏低嘅人，受呢個槍擊走咗，呢個社會係冇乜特別蝕底。」這番說話裏，沒有自嘲，沒有悲傷，更像是在認真破解一條方程式，毫無動搖地達致最終答案。
雖然邱與父母的政見截然不同，但他仍然很愛錫他們。被捕翌日，他被警員帶回家搜屋，一踏入家門便看見母親在哭，臨走時有警員說：「你想留多陣咪留多陣囉。」他沒有說話，只擁抱家人，然後便離開，「我唔想喺警察面前，同我啲家人一齊唔開心⋯我唔想佢哋擔心我，所以我盡力壓抑自己嘅情感。」
邱宏達、曾志健事後一同被控暴動罪，這二人的命運，因為一個案件編號再度相連。此後迎接他們的，是漫長煎熬的司法程序。兩年間，邱在法庭來來去去，只為準備一個答辯。雖然律師多番表示「冇得打」，他曾想過可藉着案件在庭上質問警方，重組開槍事件背後的真相，「我認咗坐四碌（年），質問佢坐六碌（年），加兩年可以質佢一鑊，我覺得條氣順啲。」
不過，法庭不是獨立調查委員會，對真相的關注範圍由案情而定，邱最終亦同意律師的意見，經與律政司協商，在庭上承認刑責較輕的非法集結罪。
邱透露，健仔流亡之前，曾經發訊息表示自己好內疚，「我就同佢講，唔係你做錯，冇咩好內疚，我揀㗎嘛」。直至上庭那天，邱獨自坐在法庭內的木椅上，身邊就再沒有健仔的身影。
有心理準備入獄的他沒有太多期盼，唯獨希望若一天有幸與健仔重逢，二人可互相點頭微笑。邱宏達給健仔的說話：「我諗你依家嘅生活都係艱苦嘅。我作為大哥哥，保證唔到你可以再喺香港幾時出現返。但我希望你唔使擔心喺度嘅大哥哥架啦。將來嘅生活努力啲啦，可能前面嘅路好艱苦。如果有日我喺天涯海角再撞返你嘅時候，你記得點頭笑吓。」//
眾新聞YouTube
請支持我哋，訂閱香港反黑組 @HKAntiBlack
https://t.me/HKAntiBlack
