2021-05-31 17:09:32
#Admin專欄 #娛樂係毒藥媒體即隱喻 @Windseasonbro
TLDR:唔好TLDR,同我睇晒佢,同埋幫我Share開去,唔該晒你哋!
最近有手足屌鳩Mirror、Error係黃但賺藍店錢,係偽黃,但亦有人屌『聽Mirror、睇Error、食黃店當抗爭咗。』背後嘅潛臺詞,係屌人『娛樂至死』。
著名哲學家波茲曼於1985年寫嘅『娛樂至死』,內裡有一個講法,係『媒體即隱喻』。
意思係一個訊息,喺唔同媒體上呈現,資訊接收者都有唔同嘅得着,喺波茲曼個年代,係電視剛剛出世嘅年代取代咗文字做主流媒體嘅年代。佢認為,新媒體引致嘅娛樂精神,令到生活、政治、體育、教育、商業都心甘情願地圍繞『娛樂』而生,亦令到人成為一個『娛樂至死』嘅物種,忽略咗生活嘅其他部分。
『媒體即隱喻』,令人失去焦點。儘管Error本身係黃,儘管保錡喺Error遊2某集穿蜂衣時感言,寄語香港人『以前做唔到嘅咪去做,終有一日會做到』,但佢始終係電視人,電視呢個媒體嘅隱喻就係娛樂,D人會Focus喺『Error好唔好笑?』、『保錡咁似八兩金點解食到沙津?』、『屌我覺得沙律都唔係咁靚啫?』、『沙津、沙津啊!』、『我今日睇咗Error遊又介紹咗一個朋友睇Error遊,TVB又少咗一個慣性收視』...
儘管你唔係咁鳩諗住『我哋又贏咗』,但始終流於娛樂表面。
呢個亦係點解比較勇武嘅手足(非風巴,我有時都會被佢哋覺得我唔明佢哋),會認為食黃店係錯Focus,黃店係生活而唔係抗爭。
佢哋會認為食黃店、儲抗爭精品係各位用嚟『娛樂自己』,情況就好似大家去靈堂,家屬做嘅儀式一樣,係做畀未死嘅人去接受死者已矣嘅事實一樣。
『咁佢唔死都死咗,香港唔死都死咗,我哋可以做乜喎?』所以就合理化繼續娛樂至死?
勇武派會認為,各位有必要繼續操練自己身體,即使而家唔係一個街頭抗爭好時機,持續鍛鍊係必要,你永遠唔知道幾時可以為香港出力,所以佢哋嘅思想會認為食黃店係錯Focus。
又舉個例子,點解我成日會話人哋玩IG係有問題,除咗因為私隱問題之外,佢標榜嘅價值就係令各位娛樂至死。
IG嘅用法好簡單,除咗睇Post嘅Like數之外,Followers數量都係娛樂嘅一部分。IG呢個媒體就係Encourage資訊發放者Post飲飲食食或自拍圖、資訊接收者Like,然後根據AI演算技術,令到接收者重複睇類似資訊,亦令到佢唔可以接收其他訊息(傳聲筒效應,自己Google,不贅),而佢可以做嘅動作不外乎Like、Follow、Share,久而久之,資訊接收者建立咗一套狹窄嘅價值觀,亦只係圍繞住『Click Like Share Comment』嘅CLS娛樂。呢個就係娛樂至死嘅例子之一。
IG係港男𥄫女、港女Post飲食文青嘢嘅平臺,抗爭時期有IG戰線,但時至今日,以我觀察,身邊人好多都生活如常。
當然有人講:『屌你TG咪一樣有人睇咸嘢?咁係唔係娛樂至死啊?做乜逼人唔好用IG但又用TG?』係,所以我早期有屌人Join TG嘅交友谷或者咸濕谷。
我重申:TG唔係畀你哋溝仔女、娛樂至死嘅媒體。
媒體定位好重要,就好似當初高登轉去連登點解咁多人唔習慣,某程度上我覺得同假膠文化有關。
高登仔中意假膠,連登仔少假膠,所以令到資訊發放者同接收者有期望落差。
舉個例子,我成日喺呢個Channel整Quiz,其中一個Option係『咱们都是中国人』,大家諗下呢一句如果係唔同媒體寫出嚟,大家有乜感覺?
無線電視:咱们都是中国人!
特首林鄭月娥:咱们都是中国人!
微博博主:咱们都是中国人!
香討廢中Ching:咱们都是中国人!
風巴TG Channel Quiz其中一個答案:咱们都是中国人!
有無分別呢?點解有分別呢?就係因為『媒體即隱喻』。
有手足中意我嘅文字,覺得係比較有意思,其實係因為我哋生活喺充斥住即食文化嘅2021年,文字呢個媒體係極其珍貴。
我知道我篇篇文都好長文,我好感激各位願意睇到呢度,畢竟文字作為主流媒體嘅年代過咗好耐,連影片都愈來愈短,除咗係因為Youtubers考慮用最少嘅effort(時間成本)去賺最多嘅錢之外,亦係因為配合大眾對媒體本身嘅喜好。
速食文化盛行,每一分鐘都寶貴。網絡上多數Youtubers拍嘅片大約三分鐘至三十分鐘不等,更加短嘅抖音、快手更加吸引。即使係高質嘅日本,日本妹都被垃圾支那抖音入侵。
當大家覺得一日睇一本書太長,一日用一個鐘上網搵資料都太長,期望上網搵段三分鐘嘅影片講晒果樣嘢畀你知道嘅時候,其實就不知不覺地墜入咗媒體嘅思想限制。
果三分鐘可以係好偏頗,例如睇新聞,某年某月嘅示威日,你明明覺得果一日比起之前其他示威日子更風平浪靜,但媒體壓縮成三分鐘短片,無出去嘅人就會覺得『嘩又打得咁激?』,又或者721,某電視臺嘅新聞片段刪減整合後,你果個藍絲老母睇完就只會覺得:『嘩,林卓廷帶黃絲暴徒去元朗搞事。』
2019年後嘅網上世界,真相無乜可能被觀察到,或者從來只有『媒體畀你知道嘅真相』、『你相信嘅真相』、『對家相信嘅真相』。
而媒體同娛樂密不可分,亦互相影響。
例子有伍晃榮、林尚義講體育講波,都係喺本來講體育嘅媒體加入娛樂元素,另外你會記得曾經有人講過『超級大傻仔』、『贏足金鳩猴』、『Happy Birthday to me』但當中涉及乜人,或者乜賽事,你未必記得,呢D就係『媒體即隱喻』、『娛樂精神,令到生活、政治、體育、教育、商業都心甘情願地圍繞『娛樂』而生,亦令到人成為一個『娛樂至死』嘅物種』。
『假新聞罪』好快實行,新聞涉及媒體,當真相唔存在於電視新聞呢個媒體,我哋香港人重可以從乜途徑獲取資訊?所以我一直想Promote 所有TG Channels,亦希望各位可以幫我Promote我呢個Channel,希望你哋可以叫到D朋友入嚟加入本Channel。
又舉一例,以前雨革左右我幾唔中意『端傳媒』,因為佢哋嚟自中国『海歸派』,但經過幾年後發覺佢嘅『深入報導』都幾吸引
,立場亦唔算偏頗(當然佢唔算黃報)。
我哋需要提防媒體隱喻同娛樂至死,共勉之!
支持風巴唔撚使畀錢我,幫我Share文章同埋畀朋友睇下就可以:@Windseasonhk
51 views14:09