2022-02-26 05:26:58
正苦搬起石頭擲自己隻腳，昨日終於跪底，接受以快速檢測取代強檢。街坊只要自行做咗快速檢測後前往指定網站登記得即可確診（網址：https://www.chp.gov.hk/cdpi/）。而正苦現時都有為特定市民派發快速檢測包，雖然現時都仲係派緊啲貴野，但根據過往經驗，當貴野派晒，正苦就會開始劣化，派嘅檢測包會越嚟越差，而由於正苦對檢測包完全無監管，如果街坊想自行係街上買檢測包做檢測，大多數街坊都唔會識揀邊支準邊支唔準。所以榮仔都想係到講幾句，教大家揀檢測包。
由於現時市面有大量唔同牌子同產地嘅檢測包，相信大家揀檢測包時好多時都會睇產地嚟揀，但其實產地唔係個重點，重點嘅係要睇過往有無報告（有啲國家嘅醫學部門會隨機做檢查，再有報告，話比大家知有幾準）以及睇件商品上面有無認證。
一般國際嘅認證機構大家會容易認到嘅有：EN、CE以及ISO認證，當然唔同嘅先進國家會再有唔同嘅認證同標準（例如榮仔第二團團購嘅檢測棒係德國認證嘅），但因為篇輻所限，榮仔就唔寫喇，有興趣想知可以個別問榮仔。
ISO係國際標準，每個ISO嘅標準都會有個獨立嘅編號，當中會有佢哋嘅最底標準要求。例如榮仔教潛水嘅時候嘅Open Water Diver嘅認證就係ISO 24801-2 只要大家上網一搵就搵得到有咩要求。展示形式：ISO 24801-2
以榮仔所知：現時嘅檢測棒係無ISO標準嘅。
（參考網站：www.iso.org）
EN係歐盟標準，同ISO一樣，EN標準都係每套都有獨立編號同埋最底要求嘅標準，而呢套標準。例如：高空工作頭盔嘅安全標準係EN 12492，同理大家只要一上網就搵到符合呢個EN標準嘅要求係咩。展示形式：EN 12492
以榮仔所知：現時嘅檢測棒係無一個通用嘅EN標準嘅，但有個別嘅公司會搵做EN標準嘅化驗所做Test，然後出一份個別嘅報告，但呢份報告唔代表EN。
榮仔第二輪團購用緊嘅化驗所參考：https://antigentest.bfarm.de/ords/f?p=1010:100
CE亦都係一套歐洲標準，而佢哋嘅工作係根據客戶嘅要求進行檢測，例如：有人生產咗個頭盔希望取得EN12492 嘅認證，咁佢哋就會搵人做EN12492 嘅檢測。如果符合通過，咁除咗取得EN12492 嘅認證外，佢哋會另外取得一個CE認證，而CE認證後會有一個數字代表實驗室/化驗所編號。展示形式：CE 213
而如果公司有一套自己嘅準則去進行化驗，咁化驗所/實驗室亦會根據要求發出CE標誌，如果想了解個別取得認證嘅要求則需要各別搵相應化驗所/實驗室查詢。最低要求為有關商品係正常使用情況下唔會對人體/環境造成嚴重傷害。
最後係GB，中国国家認證，唔講太多，信不信由街坊自行決定。
榮仔係坊間見到好多檢測棒嘅商品嘅包裝同說明書上面都只有單獨嘅CE認證，當中甚至連CE嘅認證實驗室編號都無，而價錢亦十分相宜，最平嘅只要十餘港元。而近日亦有報道指有街坊連續用某廉價檢測棒一周均為陰性，但用用其他品牌檢測時顯示為陽性，甚至出現重症，選擇檢測棒品牌時希望街坊三思，要嚟返工過關無乜所謂，但當真係要驗自己是否中招時，可能就需要另覓一支信得過的檢測棒了。
----------------------------
廣告時段：
第二團檢測棒：
https://forms.gle/UhHdxnsVYxLwjT5t5
龍門萬事屋，詳情可以致電/whatsapp 榮仔查詢。
祝各位街坊及香港人2022年平安。
-----------------------------
龍門關注組 社區主任 曾錦榮
Phone丨27771028
Whatsapp 丨 96890983
TG channel 丨 https://t.me/tkwoffice
Facebook丨龍門居民 曾錦榮
402 viewsedited 02:26
曾
