2022-02-09 14:32:28
如果你要我揀一個形容詞去描述宜家嘅香港,我會揀「荒謬」。
喺新一輪所謂嘅疫情開始之後,政府一直都「借抗疫為名,玩鳩市民為實」咁推出咗好多唔同嘅措施,包括:3-6次為一個周期嘅強檢令、倉鼠撲殺令等等。喺剝奪數以千計小動物生命之後,更加喺圍封時奪去咗一位長者嘅生命。
我哋勢估唔到嘅係,呢個政權更加變本加厲,意圖借抗疫褫奪香港人嘅人權,進一止監控香港人嘅生活同壓迫香港人嘅生存空間。
係過去兩年幾嘅防疫政策下,香港人一直配合政府嘅執法,由口罩令,到禁止堂食規例,香港人一而再,再而三地退讓。可能過去大家都相信只要跟足政府嘅限制疫情就會消失,又或者大家都已經害怕反抗甚至厭倦反抗。
然而我哋依加就正正體會到,「今日割五城,明日割十城」,面對貪得無厭嘅強敵,只能換得一夕安寢。
政府一而再,再而三地收緊防疫規例。先係喺疫情最唔嚴峻嘅時候收緊安心出行嘅應用,唔用安心出行唔比使用政府服務甚至唔準堂食。宜家用盡方法強制逼針,唔打針嘅街坊就要淪為二等公民,禁止剪頭髮、在外用餐,甚至連最基本嘅勞工保障都無埋。
相信如果情況持續,好快唔打針、唔用安心出行就係犯法。好快電子針卡就會變成港安碼,甚至變成信用評級徹底監控我哋身邊每一個人。
係呢個政治環境之下,榮仔唔敢叫大家要出嚟上街反抗,要去違法某啲法例。但大家都唔好認為自己冇嘢可以做。
(以下內容合情合法,國安哥哥唔洗理我)
1)唔好盲目恐懼、相信網上圖片、人哋嘅説話,學識留意政策細節,必要時為自己據理力爭
2)表達自己嘅不滿
續上文,唔好盲目恐懼,表達自己唔打針嘅立場、對政策嘅意見呢,係唔犯法嘅。
因此,可以係社交媒體、工作/返學嘅圈子發聲表態,聚集返大家嘅聲音,加強同路人嘅意志
3)建立社群
續上文,表態嘅另一個目的就係去凝聚一班有相同理念嘅人,互相幫助。相信經歷過圍封嘅街坊都知道地區Group嘅重要性,而未來當搭車、買餸都成問題嘅時候,各位街坊更要互助,正所謂團結就是力量呀
*榮仔留意到坊間已經有啲街坊組隊一齊野餐、義載,唔知屯門區有冇呢?
講咗咁多,都係想鼓勵返大家唔好放棄初衷,保持獨立思考,共勉之。
Ps 圖入面果個真喺榮仔嚟
廣告時段:
犇道團購:
https://docs.google.com/forms/d/1nShdIe6-GvbInqvdbrg3xV2Q95xiUcSVSnhHZVd-vrA/edit
336 views11:32