2021-12-19 04:27:29
#admin專欄 #1219投票日 @windseasonbro
幾個月之前,連登同文宣Channel 瘋傳一個 「香港獨立革命前哨戰 2021平安夜革命」嘅文宣。
當時我覺得有伏,認為係對家整出嚟引勇武手足嘅黑暗兵法,但經過呢兩日,當真係有手足被捕,我認為真係有自己人籌備緊某d抗爭活動,只係和理非嘅我哋接受唔到。
講落好似好玄,又好似講完等於無講,如果你睇到呢度,開始覺得TLDR唔想睇落去,
我就直接講你知道,19/12有好高風險會發生大事。其實而家大家都聞到有味,而令我覺得有伏嘅就係因為政府喺10/12宣布於19/12當日可以任坐公共交通工具。
我10/12就整咗個投票,雖然有48%人認為政府咁做純粹係戇鳩,亦有手足同我講因為政府唔想用旅遊巴一車車運票咁揚所以以免費交通鼓勵投票,但我認為如果純粹造票,其實唔需要提供免費交通工具,理由如下:
眾所鳩知,選票以區域劃分,例如我九龍東人只可以投返九龍東,無必要以提供跨區津貼為誘因鼓勵親中藍絲投票。
有手足估計政府以一班為數不少嘅核心人士取代掌心雷廢老,例如一萬人,以唔同嘅身份去唔同嘅區域重複投票。但亦唔成立,要畀埋全香港都免費坐車,成本高好多,根本無必要咁做。認真,如果使橫手,用幾千萬已經做到同樣成效。
選票喺投票日前一日已經喺警署Stand by ,如果要出Cheat,可以預先動手。
球員、球證、守門員、龍門、講波佬、計分牌都係佢嘅人,老實講,佢唔使公開數據,用電腦一下出Cheat話有90%選民投票畀建制派都得㗎?喺謊言滿佈嘅中国腥簡,既然已經自欺欺人,點解唔去盡d?所有質疑投票結果者一律以国安法處理,咪搞掂囉?
我對政府提供免費坐公共交通工具一事有以下嘅Assumptions: 政府喺投票日生安白造「抗爭流血事件」,扮受害者。
喺投票日,等一家大小受政府恩惠喺市區坐公共交通工具時,忽然有交通工具爆炸/大火,「有港獨組織承認責任」,醜化手足初心之餘亦合理化監控管治,亦「令中立者憎恨搞事嘅港獨派」。 因為港獨派,所以投票率先低咗。都已經搞到周圍火災,咁無人投票都好正常。而另一方面,重有兩個好矛盾嘅位。
柒婆喺之前嘅記招講過一個歪理:「有一個說法指如果政府有效施政,市民認同政府的話,投票率會降低。」呢一段好明顯係為咗建制派低得票率做期望管理,周圍同人講:「無架喇,預有三成人投票咋」,最後有四成嘅話d人就覺得好多,但其實係我同你中小學都用過嘅技倆嚟:「有無溫書啊?」「唉,無啊屌,今次實仆街喇!」點知End up有60分,咁個觀感就會好唔同。
第二就係d Faked Banner,扮香港人手足呼籲市民去投票,
「香港人再幫我贏多次」,我想講,柒撚到喊。
佢哋諗住呃邊個?以其粗製濫造,質素之低,銀髮族都唔會中招,似乎係呃返中共內部,「嗱,黑暴重係死心不息,我哋重有價值㗎!」
呼籲人投票又點?正如我之前所講,佢要出Cheat用電腦改一改都搞撚掂啦,使撚認真投票咩?
所以,我認為以上重重唔係Facilitate人哋投票,而係Facilities 人走上街頭抗爭,理由如下:
免費交通工具出去支援手足機會成本低咗。 以立法會改用中共Logo激起手足入去,請君入甕。 投票應該喺自己社區,免費交通係Facilitate跨區,無必要。我認為,聽日(19/12),任何交通工具都好高風險,大家坐車出去玩要耳聽八方,眼看四方。
好喇,今日講住咁多先,Goodnight 。
重點: 19/12投唔投票都好,最好唔好出街,好可能有伏。
116 views01:27