#西九龍法院大樓第十庭 (區域法院) #彭亮廷區域法院暫委法官 #1112中環 #審訊 [12/30] 下午進度 D1:吳(25)/ D3:陳(22)/ D4:李(24) D7:陳(24)/ D8:梁(24) D2:陳(25), D5:蔡(23), D6:林(23) 在首日審訊就控罪(1)認罪，還押中。 控罪： (1) D1~D8暴動 同被控於2019年11月12日，在中環畢打街近德輔道中及干諾道中交界一帶，連同其他身分不詳的人參與暴動。 (2)~(9) D1~D8在非法集結中使用蒙面物品 各被控於同日，在中環畢打街近德輔道中及干諾道中交界一帶身處非法集結時，使用相當可能阻止識別身分的蒙面物品，即D1~D2, D4~D7使用一個口罩、D3, D8使用一條圍巾。 其他控罪、首日審訊和案情撮要：https://t.me/youarenotalonehk_live/23543 D1法律代表： #王國豪大律師 D3法律代表： #連普禧大律師 D7法律代表： #田奇睿大律師 =================== [14:373] 開庭 繼續由DW1 羅小姐作供 其他辯方律師無盤問 控方盤問 在主控巨細無遺的盤問下，羅小姐講述與D1係加拿大大學同學，不同學科，識咗約8～9年，回港後有聯絡，在朋友聚會見面，約每月一次。 當日約12點食晏，有三名同事一齊，由上環公司行去置地廣場，已唔記得路線，本來只需行約10分鐘，因要購物而約在12:30到達，無印象有人佔據馬路，無印象有特別事發生，在日式餐廳Kikusan食晏，好彩有位唔使等，食完在一點半左右撞到D1，互相打招呼，無話邊個見到對方先，答唔到主控問邊個先打招呼，無太大印象D1着咩衫，同平時差唔多，無太特別裝束，唔記得佢女朋友叫咩名？唔記得佢着咩衫，更加唔記得自己着咩衫，在街遇到朋友時有發生，唔會特登寫低，寒暄一下，5分鐘之內，主要同S1傾偈，無講佢女朋友嘅事，D1唔識三位同事，無傾偈，同事在附近等，D1有講與女朋友等咗10分鐘都無位。 羅小姐在上星期才知道要畀口供，係難記起事情，但有印象，因為在同一日知道佢被拉咗，事後有見過面，但無特別提起事件，對於畀口供太奇怪，因為從中間朋友得到案件進展。 主控問完，彭官詢問D1衣著同平時差唔多係點解？羅小姐稱同平時差唔多，無特別印象，無pop out位一定記得。 主控追問：羅小姐稱唔記得D1當日有無戴帽，因為佢平時都有時載帽，有時唔載帽，有印象佢有戴口罩，因為佢次次出現都有戴。 [15:00] 傳召DW2 呂先生 辯方D1律師主問 呂先生在2019年下半年在PMQ元創坊內一間咖啡店任職咖啡師，D1是咖啡店顧客，在2018年認識，有用IG聯絡，傾着衫嘅事，案發當天有返工，D1約在14:30到達，叫咗一杯咖啡和一件蛋糕，用現金俾錢，辯方呈上收據的相片，相片是應D1家人要求，由DW2在11月20日拍攝，用嚟做證據；D1逗留左約半小時，期間傾計，DW2用IG傳送咗一間在銅鑼灣的古著店嘅地址俾D1，辯方又呈上DW2的IG傳送地址的截圖，因有食環署職員在15:00到來查牌，D1離開，表示會去銅鑼灣的古著店買帽。 辯方呈上8張元創坊閉路電視的截圖，DW2確認D1的出現、食環署職員到場和D1離開。 控方盤問 只問D1在離開前話去邊，話會去銅鑼灣的古著店。 辯方無覆問，D1案情完結 [15:40] 傳召D3作供 辯方D3律師主問 講述D3的背景，近年的工作，和案發當日D3原本計劃的活動。 主問未完，案件押後至明日(9/6) 14:30 同庭續審，各被告繼續以現有條件保釋 。 詳情後補 ========== 直播員按：沒有總結DW1的供詞，以示盤問如何巨細無遺 1.6K viewsedited 11:35
