香港民主自由資訊目錄

2021-09-25 04:10:44 香港人的主流民意非常清楚，我們不要政治花瓶，請民主黨尊重民意，拒絕為極權塗脂抹粉！ 打开/如何

2021-09-16 04:17:46 明顯係極權專制，但係滿口仁義道德，仲要扮民主搞乜野選舉，港共唔好再迫香港人做馬騮戲 打开/如何

2021-09-16 04:14:58 港共又DQ多7個民選議員，一次又一次侮辱香港人

港共意圖進一步控制區議會，從政者要有心理準備，可能真正既民主派人士未必再可以全職投入政治/社區工作，需要另外有一份正職，以義工身份用工餘時間去服務社會。 打开/如何

2021-09-04 04:24:26 鄭松泰唔聽話咩？鄭松泰唔乖咩？

佢已經唔單止係乖乖仔咁簡單，佢仲成日幫住建制去攻擊、侮辱黃絲，佢對民主陣營既針對，做得比好多建制人士仲要明目張膽。

佢既順服和表忠既程度已經去到模範生級數，之前多次得到建制認同讚賞，但係最後都要被當condom趕走，仲要被港共侮辱為「烏賊」、「騙子」。

宜家港共連卑躬屈膝既鄭松泰都容忍唔到，仲諗住做政治花樽既人，係唔係打算做得比鄭松泰更加卑微更加低賤?

如果為左做立法會議員，行事手法仲cheap 過鄭松泰，不如直接加入民建聯/工聯會，堂堂正正做極權走狗，唔好又要做雞（極權政治花樽）又要拎貞節牌坊（自稱民主派）。

https://news.now.com/mobile/local/player?newsId=447638

「《政情》向多名建制派打聽，認為鄭松泰去年參選時已就倒插國旗事件致歉，同時表明自己不支持港獨，擁護基本法並效忠特區，加上當日民主派總辭，鄭松泰未有跟隨，獲港澳辦「加持」讚賞是「明智之舉﹑值得肯定」，而延任期間，多名建制都認為他的言行合理，笑言「溫和過謝偉俊」。」 打开/如何

2021-08-27 05:16:48 「山不轉路轉；路不轉人轉！」

仲諗住做立法會政治花樽既人，你地真係要訓醒！服務社會有好多方法，立法會衣條路已經比港共封死左，香港從政既模式已經唔同左。

手足點睇港共可以無預警隨意DQ現任民選立法會議員鄭松泰（54,496個市民投票當選）？

成件事唔需要經過法律程序，黑箱作業、零透明度，資審會通知一聲唔符合資格，唔需要詳細交代，幾萬票既民選議員就即時取消資格。

以往，我地民主陣營好認真想參選服務社會，港共就打壓、恐嚇、迫害，望下有幾多熱愛香港既初選手足被政治迫害，望下有幾多真誠服務社區既區議員被恐嚇至辭職。

我地一向都唔抗拒選舉，問題係港共多次透過選舉去玩殘我地。未選之前又搞我地（立法會初選），選完之後又搞我地（區議員、立法會議員），我地怕左唔想選又恐嚇我地（禁止提倡白票、選舉攬炒主義.....）。

佢一邊打到我地仆街，一邊叫我地 join 埋一齊玩，係唔係好荒謬？係唔係當我地白痴？

enough is enough。夠喇，有D野去到某個位就忍無可忍，香港人已經有共識，我地唔會再認可衣個不公義既立法會制度。

從政要有原則有底線，宜家港共既做法己經係極權專制既做法，民主派既人真係唔可以再參與立法會，唔可以幫佢增加認受性，唔可以幫佢做政治花樽、塗脂抹粉。

仲有，沒有任何民主派人士可以話自己忍辱負重參選，行得出黎從政，作為民意代表，就係代表緊追求民主既香港人，行動重點唔係個人榮辱利益，而係整個社會既睇法同利益，如果香港人唔願意再受到極權侮辱，民主派既人就唔應該參選。

講多次，仲諗住做立法會政治花樽既人，你地真係要訓醒！服務社會有好多方法，立法會衣條路已經比港共封死左，香港從政既模式已經唔同左。 打开/如何

2021-08-26 04:54:37 敬請香港民主黨在決定應否參選立法會之前，委託具有公信力既第三方民意調查機構，就［應否參選立法會］，向民主派支持者進行全面民意調查。

尊重香港人既意願，以民心為依歸，否則唔好再叫自己做民主黨，因為你地已經放棄了支持民主自由既人。 打开/如何

2021-08-19 03:51:17 追求港獨既人唔該留番香港入面搞，自己親身參與行動，唔好走撚左去外國然後同香港人宣傳/鼓吹港獨！好撚無恥！好撚核突！

未有國安法之前，有好多有港獨派人士，經常聲嘶力竭去宣揚港獨，成日講咩野建國勇氣、革命態度、犧牲精神，話要同香港共存亡、寧死不屈、以死相搏，彷彿要幹一番可歌可泣既壯烈行動。

國安法成立後既短期內，主張最激進既人往往走得最快，佢地極速逃離香港，投奔民主自由既西方社會。口口聲聲話要同香港搏命既人，通常係風險管理既專家，一早已經考慮好流亡計劃，有風險就即刻走佬。革命勇氣？為香港搏命？為香港犧牲？

宜家香港人人自危，但係佢地既處境仲安全過香港既和理非，和理非叫兩句口號都會被人又拉又鎖，佢地已經可以係外國讀書或者工作，生活安穩、權利自由受到全面保障。

有時候網上見到有D走左去外國既香港人，拎住枝港獨旗話要支持香港獨立，真係覺得好醜怪。衣D走左既人，好多都係頂唔順香港既政治氣氛，擔心受到極權迫害，所以先至離開香港。

果D人見到風險就極速離港，自己去到安全既地方，就去同香港人宣傳一D高危行動，根本冇任何倫理道德，大家千其唔可以相信佢地。

佢地知唔知道唐手足顯示光時旗已經要夾硬屈到坐9年監？如果真係要支持港獨，點解自己唔留番係香港執行自己既政治理念？

手足見到有人係外國宣傳港獨，即管問下佢地點解唔返香港搞？問下佢地係唔係諗住自己外國出聲，等香港入面既人出手？

利申：本頻道好尊重係香港入面既港獨手足，因為佢地在惡劣環境堅持自己理念，需要好大勇氣。衣篇文章係講緊一D走左去外國，但係宣傳/鼓吹香港獨立既人。 打开/如何

2021-08-18 03:16:56 連登手足請保持高度警戒，唔好隨便在有敏感字眼既post留言，有大量黑警、國安實時監察連登，你既留言好大機會被存檔，將來可能會成為政治檢控既罪證。

開果D post既人，好多都唔會再返香港，佢地講乜野都得，沒有任何成本，相反，香港手足卻可以因為幾句簡單留言而成為政治犯。

連登戶口係近乎實名證，暫時極權仲未拎到資料，但係今日唔知聽日事，我地兩年前都估唔到香港今日變成咁，邊個可以保證連登用戶資料永遠保密？

萬一有一天連登資料用戶被國家級黑客破解或者被站長高價出賣，到時成千上萬連登手足就要因為在敏感post 留左幾句說話而流亡海外。

手足有冇聽過釣魚執法？極權既行事手法極度黑暗，真係一D都唔出奇，大家真係不得不提防。

最後希望連登手足可以守望相助，在連登見到有衣D敏感Post既時候，可以向其他手足發出溫馨提醒，告誡其留言風險。

https://zh.m.wikipedia.org/wiki/%E9%92%93%E9%B1%BC%E6%89%A7%E6%B3%95

釣魚執法（entrapment），又稱釣魚式執法、倒鈎（執法）、執法圈套、犯罪挑唆，指的是行政執法部門有意隱蔽身份，採取手段介入，等待甚至引誘被執法人做出違法行為，然後將其抓捕的執法形式。行政執法部門在其中亦屬於犯罪參與／共犯的一員，而由於釣魚執法為執法而引誘、縱容犯罪的出發點，釣魚執法有執法而違法的爭議。

敏感post例子：

南越 (越南共和國) 手足支持香港獨立
https://lihkg.com/thread/2661192/page/1

張崑陽: 「我想要嘅係香港獨立。」
https://lihkg.com/thread/2665452/page/1 打开/如何

2021-08-10 06:31:05 「Respect 李永達，祝平安順利」「正直的人，光明正大」

李永達走得好合理，佢既處境好危險，因為民主黨入面某D急於上位既年輕成員(e.g. 梁翊婷、蘇逸恒...)，諗住違背民意夾硬參選立法會。

李永達為人正直、光明正大，以元老身份多次明確表達反對參選，強調所有行動必須符合民意，唔可以做政治花樽為極權塗脂抹粉。

雖然李永達只不過講緊人人都知既真話，但係香港今時今日既政治氣氛，佢一定會受到極大既政治壓力。

最恐怖既係佢唔知道打算做政治花樽既黨友係唔係已經變節，如果有D人係同中共deal好左，佢出黎阻頭阻勢既後果會非常嚴重，因為出面（黑警、律政司、法官）同入面（變節黨友）夾埋一定搵到位入判佢坐監，要屈一定屈到，你懂的。

要強調講清楚D，本頻道唔係指控民主黨入面有人變節，沒有任何相關確實證據，唔清楚佢地入面既野，有關變節既思考，純粹係從理性角度去推測。

道理好簡單，極權支持民主派參選，香港主流民意反對民主派參選，民意代表點解會順從極權而違背主流民意？

大家認真思考一下，覺唔覺得成件事好唔簡單?

手足代入去李永達既角色諗下，出面已經非常凶險，如果你無方法判斷自己既隊友係人定係鬼，你會唔會走？

最後，Respect 李永達，祝平安順利。
----------------------------------------------------
李永達出山穩軍心　當選民主黨副主席　稱市民反對參選聲音強烈
《香港01》
https://bit.ly/3xuABlX
出版：2021-06-20 16:34

民主黨今天（20日）召開特別會員大會，補選副主席及兩名中央委員，其中副主席一職只有身兼民主黨選舉委員會主席的元老李永達角逐，他以高比例信任票當選。黃大仙區議員張茂清、葵青區議員梁國華，則成功當選民主黨中委。
李永達接受《香港01》訪問表示，市民反對民主黨參選立法會的意見非常強烈，指除了涉初選案的林卓廷、尹兆堅、胡志偉和趙家賢被還押，兩名前黨主席楊森、何俊仁亦被監禁，直言：「呢個時候仲要求參選？黨內無乜人有興趣討論囉」，更說：「拉得我哋愈多人，反對（參選）聲音就愈多」。

因初選案被還押的前立法會議員林卓廷，早前辭去黨副主席職務，前主席胡志偉及前立法會議員尹兆堅亦因被還押，辭去中委職務，民主黨今天召開特別會員大會，就3個中央委員出缺舉行補選。 打开/如何

2021-08-09 04:42:13 你唔係幫緊大雄，你自己就係大雄，你既親人就係大雄，你既朋友就係大雄，你既老豆老母老公老婆兒子女兒就係大雄，同你一齊生活於香港既人全部都係大雄。

沒有了公平公正既司法制度，所有人都有機會受害。中國入面就算有十幾億身家既富商都會被高官侵吞資產，普通市民既權益更加唔會得到基本保障，你想香港都變成咁樣咩？

其實香港已經正在中國化，但係仲有黃絲去盡量拖延，頂得幾耐就頂幾耐。

黃絲唔單止係幫緊社會，仲係幫緊自己同埋身邊既人，黃絲係亂世中正義既化身，抵抗極權係功德無量既善行。
------------------------------------------
https://lihkg.com/thread/2653429/page/1
曾經我都信大雄比胖虎恰，旁觀既人都係幫兇。

但原來後來慢慢發現，一開始自願做既野，你之後唔做就會有人比壓力你，例如罷食藍店，無做就比人話你鬼係黃，你係藍既，有對唔對得住死左既手足果啲。例如 果個jack wong，仲有啲黃藍糾察官。

有時連登你一企錯少少邊，就比人尾毛，屈pr，係企錯邊既時侯你既思考係不被接受既，彷佛屈到你毛就係最高既真理，慢慢你就會懷疑自己錯，企番岩邊唔再講。

原來你幫大雄唔單止係阻止有人受到逼害，而係做左大雄既奴隸，咩都要以大雄為先，否則就變左胖虎。

仲有啲乜都反既人，反疫苗，反科學，雙標撚，屌藍杜但又話運動不談政治，反法治，有時啲證據自己幻想出黎，講啲幫助唔到反共既野就會話你無邏輯等等。就算成功，想像唔到創造到個點好既世界。

有時大雄個價值觀都未必好胖虎好多，只係之前無實力惡唔起。

想像下你付出一部分自由去撐黃爭取民主自由，建立左個黃先於民主自由既價值觀，黃條線又高到飛起，有時又可以因人低到嚇親，究竟你係用黃去支撐民主自由，定政治立場先係最終目標。

呢排做住中立，試下吃喝玩樂唔check黃藍既生活係點先順便再評估而家黃既標準係點。

相信都會比人屌一排，入埋5毛list，曬左個account，我知連登都有啲中立撚，請你地唔好覆我，廢事你地比人又block一隻。 打开/如何