2021-02-18 04:14:13
「近期對於抗爭的感想」「回應軍事台的回應」「香港人已經夢醒，而且盡力試過打破鐵房子，但係真係打唔爆間房子，仲比人打到重傷」
首先感謝「軍事台」對本頻道文章「議會戰線」的意見。
本頻道認為冇必要爭論「議會戰線」的好與壞，因為今日的香港不應該存有抗爭路線之爭。極權高壓的管治之下，任何形式既抗爭都存在風險，所有抗爭者都值得尊敬。
宜家非常溫和既和理非行為，都會被港共強行濫捕濫告（例子：快必、傑斯），淨係發表言論都會出事。每一個抗爭者都已經同中國既 民運人士/異見人士 一樣，隨時隨地都有機會比港共迫害。
基於以上原因，本頻道認為「參與議會去發表反對聲音」，係一種具有風險的抗爭行動，參選議員既手足應該受到尊重和支持。
既然有手足願意付出努力和冒著風險去參與「議會戰線」，勇敢為香港人去發聲，香港人支持一下又有幾難呢？幫手網上做下宣傳，用幾分鐘落街投下票，唔通咁簡單既事都唔肯支持？
成個抗爭入面，好多立法會議員、區議員都因為對抗港共而被起訴，根本所有類型既抗爭者都係命運共同體。
香港已經全方位淪陷，應該死馬當活馬醫，樣樣都要試，樣樣都要做。全體手足應該團結，堅持住「兄弟爬山，各自努力」既精神。
記住，如果唔認同其他手足既路線，可以專注執行自己認同既路線，千其唔好互相指責、嘲笑。
仲有，軍事台，你地文章入面指出
{{明知沒有作用，依然要繼續自我催眠，繼續在鐵房子中裝睡不願夢醒；當有人開始想打破鐵房子的時候，繼續呼籲大家不要打破鐵房子，是為政權的幫兇。}}
軍事台，香港人一早已經訓醒哂出黎反抗，好多手足都係搵命搏，死傷慘重，你係唔係唔記得發生過既事？
過百萬人出黎遊行示威，又有手足放汽油彈、焚燒地鐵站、破壞商店。仲有國際線、文宣戰、經濟圏.....真係諗得出既野都已經都做過哂。
我地有手足比黑警實彈槍擊，大量手足比黑警打到重傷，有手足逃亡被黑警設局送中，更有手足因為抗爭而失去生命。宜家衣一刻，仲有好多手足被司法迫害，排住隊等住被紅官老屈坐監。
2019我地已經夢醒，而且盡力試過打破鐵房子，但係真係打唔爆間房子，仲比人打到重傷，宜家仲比人毒打緊，仲未毒打完。
之前既抗爭已經係我地既武力極限。唔通我地要好似義和團咁樣，用刀用棍去同黑警既槍炮決戰？我地係唔係要發動自殺式炸彈襲擊？黑警有幾萬枝槍，我地點樣打？
我地已經盡力打爆房子，真係打唔爆間房，反而好多手足既頭比警棍打爆。
香港人根本冇方法大規模升級武力，去到可以應付解放軍既程度，目前真係見唔到有咩野方法「打破鐵房子」。無睇錯，係打解放軍，打完黑警一定仲有解放軍，解放軍既人數同武器勁過黑警一百倍。
誠心希望軍事台具體建議下香港人點樣可以「打破鐵房子」，一味批評改變唔到既野，除左帶來負面情緒，其實沒有任何意義和建設性。
重要野講多次：2019我地已經夢醒，而且盡力試過打破鐵房子，但係真係打唔爆間房子，仲比人打到重傷，宜家仲比人毒打緊，仲未毒打完。
現實D講，我地應該研究實際行動去保障香港人既基本公民權利，宜家我地連最基本既公民權利都保障唔到，仲講咩野武裝革命？
實行唔到既理想只係幻想，諗太多係冇用架。手足一定要腳踏實地去執行實際行動，一步一步咁樣為香港找尋出路。
至於咩野係適合香港既實際行動，要所有手足一齊去研究，慢慢去探索，大家一起去努力找出路。
（未必會再回應軍事台，因為唔希望變成互相指責、嘲笑。）
------------------------------------------
「議會戰線的看法」
https://t.me/hongkongindex/2616
軍事台回應香港民主自由資訊目錄-「議會戰線的看法」
https://t.me/HKMilitary/489
1.8K viewsedited 01:14
香
