香港民主自由資訊目錄

2021-03-21 04:33:14 「判斷行動的準則」「簡單而準確既思考方法」「敵人反對的我們就要堅決擁護」「敵人擁護的我們就要堅決反對」「適用於大部份既情況」「代入港共，佢反對我地就做，佢支持我地就停」「同港共對著幹，通常都係啱」「唔需要將事情諗得太過複雜，從港共既反應可以搵到答案」

舉幾個例子：
-------<黃色經濟圈？>-------
大家覺得港共 支持 定係 反對？

官員、紅媒大力批評<黃色經濟圈>，好明顯港共反對<黃色經濟圈>。

港共反對我地就做，所以繼續支持<黃色經濟圈>就係啱。

我地一定搵到地方去批評<黃色經濟圈>，但係如果停止<黃色經濟圈>，係唔係中左港共既計？係唔係對港共有利？

-------<海外手足進行國際線？>-------
大家覺得港共 支持 定係 反對？

國安法針對我地聯結外國政府，好明顯港共反對<國際線>。

港共反對我地就做，所以繼續支持海外手足進行國際線就係啱。

我地一定搵到地方去批評<國際線>，但係如果停止海外手足進行國際線，係唔係中左港共既計？係唔係對港共有利？

-------<和理非同勇武互相割席？>-------
大家覺得港共 支持 定係 反對？

抗爭既高峰期，港共指責勇武係暴徒，要求和理非同勇武割席，好明顯港共支持<和理非同勇武互相割席>。

港共支持我地就停，所以我地反對割席。

我地一定搵到地方去批評<和理非>或者<勇武>，但係如果支持<互相割席>，係唔係中左港共既計？係唔係對港共有利？
------------------------------------------
「敵人反對的我們就要堅決擁護」
「敵人擁護的我們就要堅決反對」

上述既思維，可以幫助拆解大部分既情況，對未來情況做判斷既時候，不妨代入去港共既角度，咁樣好容易就搵到答案。

好多時候，我地唔需要將事情諗得太過複雜，從港共既反應就可以搵到答案。 打开/如何

2021-03-20 05:43:05  「真心提出疑問，之後仲有冇需要同中共爭取直選立法會 & 普選特首？」

「同唔講道理既惡霸講數，其實係唔係哂氣？」

「爭取左二十幾年，共產黨用幾日就可以全盤推翻，無論之前有咩承諾、方案，全部都可以一筆勾銷」

「中共同我地傾咩野路線圖、方案都係假，全部都係大話，佢唔滿意就隨時推翻，我地無可奈何」

「除非中共主動切實執行真正既直選、普選，我地全民杯葛選舉（立法會&特首）就算，唔好再同佢傾咩野路線圖、方案，傾黎都冇用，中共隨時推翻承諾，費事再浪費時間」

「不如策略性忽視立法會、特首選舉（因為真係改變唔到），集中專注民生議題和基本人權（except 選舉），例如：財政預算、房屋政策、醫療福利、坐監手足權益、獨立調查警察、司法獨立、言論自由、資訊自由、出入境自由、資金進出自由、遊行示威自由.....」

「避免重蹈覆轍，如果繼續向中共爭取直選、普選，好可能重複過去二十幾年既事，搞完一大輪，最後佢反枱唔認數，我地咩都拎唔到」

「唔合理既野（e.g. 立法會、特首選舉），一定要杯葛唔玩，拒絕袋住先，袋住先就會袋一世」

「本頻道純粹提出疑問，暫時未有定論立場，請唔好當我係分化撚、失敗撚、放棄撚...」 打开/如何

2021-03-19 04:39:01 「堅持參與區議會，全面杯葛立法會」「應該持續參與區議會，紮根社區和服務市民是非常重要」「立法會的構成極度不民主、不公平，已經不能改變政策方向，立法會議員手足更有可能承受極大風險」「拒絕成為忠誠反對派，唔可以幫港共做政治花瓶」「杯葛唔投 比起 投白票 更加容易宣傳和動員，更加容易達成」「將立法會投票日宣傳為全民休息日，冷清清的場面，極低投票率作為一種無聲抗議」

首先，我地應該持續參與區議會，紮根社區和服務市民是非常重要。雖然我地無法在立法會改變政策方向，至低限度可以就民生議題在區議會發聲。區議會只牽涉地區性既民生議題，較少觸及敏感政治議題，區議員手足被政治迫害的機會相對較少。

至於區議員是否宣誓，就今屆而言，本頻道認為唔好浪費市民既投票，至少做完今屆區議會，有始有終，避免曾經投票的市民失望。但係無論是否宣誓，都應該受到尊重，唔好因此而分裂或者互相指責。

在最新的不合理選舉制度下，在立法會，我地絕對無機會成為大多數，必定成為少數派，沒有否決任何政策的可能性。更可怕的是，就算批評或者投票反對都有可能出事。

在立法會批評和反對政府，好有可能被DQ、「國安法」濫捕濫告，根本無法暢所欲言。輕則追討薪金，重則入獄坐監，捏造罪名、陷害無辜已經係香港既新常態。

我地與其在立法會閃閃縮縮、擔驚受怕，無法正常發揮正常立法會議員既功能，不如全面杯葛立法會，盡量降低立法會既投票率和認受性。

今時今日，立法會容納唔到真正既反對聲音，只有忠誠反對派先至可以在立法會安然無恙。大家睇下熱血公民鄭松泰就知道發生緊乜事，簡直係忠誠反對派既最佳示範。佢仲成日比建制讚賞，真係好叻仔、識時務者為俊傑。

我地做人做事都要光明正大，對得住自己既良心，拒絕幫港共做政治花瓶，拒絕做忠誠反對派。港共真係做到好盡好絕，立法會真係唔值得再參與。

仲有，我地唔好搞乜野投白票，杯葛最簡單、最容易做，唔好搞咁多野。「杯葛唔投票」 比起 「投白票」 更加容易宣傳和動員，更加容易達成。我地要將立法會投票日宣傳為全民休息日，冷清清的場面，極低投票率作為一種無聲抗議。

最後，手足一定要登記做選民，然後杯葛立法會投票，咁樣先至可以降低投票率。如果你唔係選民，你根本唔會計入投票率，你係選民先至可以用杯葛投票去表明立場。 打开/如何

2021-03-19 04:38:51 「政治文宣想拎credit不如唔好再做」「當文宣戰線係一門生意？」「乜撚野社運內容農場？」《自由港 Harbour of Freedom》

抗爭衣年幾兩年以來，見過超過數千份圖文並茂、精心設計既文宣，好多都係手足用左好多心思同時間先整到出黎，絕大部份文宣都唔會落手足既名，更加唔會要求附上出處。做文宣既手足淨係希望多D人睇到，為抗爭出一分力，對社會產生正面影響。

好多社運平台轉載政治文宣都唔會落credit，網上見到同路人有好作品就即刻幫手share，唔會特登去搵返作品出處，因為大家都係為左公眾利益，唔係一般既商業運作，唔會斤斤計較。

其實你地寫文製圖既目的係乜？係唔係想出名、想得到關注？想爭取流量 同埋訂閱數？正常手足見到自己作品被人轉載，會感到非常高興，唔會諗到「獲得的流量」，唔會計住自己得到幾多利益。

如果有其他手足轉載你地既內容，即係對你地既欣賞和認同，你地居然覺得蝕底左，仲鬧人地係「社運內容農場」。你地真係好荒謬，居然認為其他人獲得的流量比起你地更高，因此感到氣餒，你地既價值觀真係同正常手足掉轉。

大佬，其他手足幫手將你地既內容傳播出去，就算冇落到credit，你地都應該感到非常開心，因為有人周圍宣傳緊你既價值觀/觀點，你地有咩理由覺得自己蝕底左？點解覺得其他手足打擊到你地寫文章、製作文宣既熱情？

如果每個手足都好似你地咁諗，下下都計住自己既利益得失，希望透過文宣去爭取自己利益，文宣戰線仲點樣打落去？

以我所知，宜家仲有好多手足打緊文宣戰線，每日用自己私人時間去精心製作各種文宣圖，周圍去唔同平台（e.g. 連登、FB...）不記名發佈。你地見到衣D手足咁做，係唔係會覺得佢地好愚蠢?

最後，希望你地改變自己既諗法。如果你地繼續諗住透過政治文宣去為自己爭取流量/知名度，建議你地唔好再做落去，因為你地既行為對於抗爭陣營產生負面影響，打擊緊手足既文宣戰線。
---------------------------------------------
【寫文製圖不易，希望大家多多支持一眾文宣page】
https://t.me/HarbourofFreedom/259

一直以來，對於有同道轉載本刊內容都非常歡迎，只要附上出處就好。但坊間一直有不少「社運內容農場」，複製他人內容卻不標記出處，將他人產出當成自己產物。

當然這個行為的確係會打擊到大家繼續寫文章、製作文宣的熱情，當原來用Copy and Paste獲得的流量比起用心製作來得更少，的確會令人有點氣餒。

但更可惡的，是有不少這種「社運內容農場」見風使舵，風向那邊吹，就刻意去張貼相關內容博取流量。例如當疫情肆虐，人人都以防疫為優先時，就鼓吹大家做「防疫撚」；但當大家開始覺得有部份人矯枉過正，開始抨擊「防疫撚」，就突然180度轉彎，開始大量轉載一些抨擊防疫的言論。

文宣，本來就是應該要以凝聚人心，啟迪民智為目標。那麼上述這些一味跟隨輿論大方向，甚至可以因此自相矛盾的做法，對香港人有是否有益呢？

其實不同社交媒體上，一直都有各類型的高質文宣page，雖然由於創作需時，更新頻率當然不及這些內容農場，但至少在內容深度以及啟發思考方面絕對更為優勝。

希望大家對比起這些「社運內容農場」，能夠多花一點時間留意一下不同高質文宣page，一方面嘗試一下接收更多不同資訊，另一方面亦當是給這些辛勤工作的文宣手足一點鼓勵。

如果可以的話，希望大家能夠在下面留言，一人推介一個高質文宣page。 打开/如何

2021-03-16 04:36:53 「成功踢保，都要考慮逃亡」「全方位司法迫害，極權唔會放過任何一個迫害手足既機會」「分分鐘幾年後，突然間再控告你，港共已經冇任何道德底線」「好多法官已經有哂判案立場，同共產黨法官冇乜分別」
------------------------------------------------
所有抗爭手足，黑警仲周圍拉緊人，宜家冇事，唔代表聽日冇事，可能暫時仲未搵到你出黎，可能暫時仲未夠證據，小心安全 。
------------------------------------------------
【理大衝突】警方凌晨再拘 4 男 1 女　涉理大串謀暴動
立場新聞
https://bit.ly/3bPuMry
警方指，組織罪案及三合會調查科於今日凌晨（15日）拘捕 5 人，包括 4 男 1 女，年齡介乎 21 至 23 歲，涉嫌於 2019 年 11 月 11 日的理大衝突中「串謀暴動」，被捕人現正扣留調查。

2019 年 11 月 11 日有示威者發起「雙十一、大三罷」及「黎明行動」，於全港各區及數間大學都有出現突擊堵路癱瘓交通。警方當日先於理工大學校園內發射催淚彈，其後再進入港大及中大，數間大學下午宣布繼續停課，翌日中大爆發二橋衝突。

事隔一年多，警方近月就「理大圍城」事件不斷拘捕有關人士，例如本月 1 日凌晨曾以「參與暴動」拘捕原已「踢保」、17 至 26 歲的 11 人，上月 22 日凌晨也以同一罪名拘捕正提出「踢保」、21 至 24 歲的 4 人，以及於上月 19 日拘捕及起訴已「踢保」、16 至 30 歲的 12 人，當中大部份已提堂，並需要還押。
------------------------------------------------
元旦港島遊行 6 人「踢保」後再被捕　警落案控告非法集結等罪名
立場新聞
https://bit.ly/30M4vEf

9 人「踢保」後再被捕　涉大埔、太子、金鐘示威　控非法集結等罪
立場新聞
https://bit.ly/38Hgnvw

5 人踢保後再被捕　被控暴動罪　涉去年兆康站抗爭
立場新聞
https://bit.ly/38Mc3eG 打开/如何

2021-03-12 03:11:44 由於香港選舉制度被中共大規模惡意修改，情況已經完全唔同哂，大家要重新思考是否繼續參與選舉制度。

正常投票？ 杯葛唔投票 ？ 投白票/廢票？

香港人要有一個共識，行動一致，發揮最大影響力。
----------------------------------------------------
香港選舉制度改革：中國全國人大表決通過決定，九項重點修改
https://www.bbc.com/zhongwen/trad/chinese-news-56343231 打开/如何

2021-03-10 20:58:15 「228被拘捕手足 facebook and patreon」

排名不分先後

港大法律學院前副教授戴耀廷
https://www.facebook.com/BennyTaiHK/
https://www.patreon.com/bennytai

前立法會議員區諾軒
https://www.facebook.com/nokhinau/
https://www.patreon.com/aunokhin

西貢區議會主席、前民主動力副召集人鍾錦麟（新民主同盟）
https://zh-hk.facebook.com/tkokamlun
搵唔到patreon

東區區議會副主席、前民主動力召集人趙家賢（民主黨）
https://www.facebook.com/Dr.AndrewCHIU/
搵唔到patreon

「三投三不投」發起人吳政亨(連登網名：李伯盧)
https://www.facebook.com/legcopetition
搵唔到patreon
 
南區區議員袁嘉蔚
https://www.facebook.com/kawaitiffany/
搵唔到patreon

中西區區議員梁晃維
搵唔到facebook & patreon

東區區議員徐子見
https://www.facebook.com/AndyChui2015/
搵唔到patreon

東區區議員鄭達鴻
搵唔到facebook & patreon

灣仔區議會主席楊雪盈
https://www.facebook.com/clarisseysy/
https://www.patreon.com/clarisseysy

南區區議員彭卓棋
https://www.facebook.com/cheukkeipang/
搵唔到patreon

沙田區議員岑子杰（社民連）
https://www.facebook.com/Sham.Tsz.Kit/
搵唔到patreon

前立法會議員黃碧雲（民主黨）
https://www.facebook.com/helena.dphk/
搵唔到patreon

深水埗區議員何啟明（民協）
https://www.facebook.com/kalvinhokaiming/
搵唔到patreon

九龍西地區組織半島連線召集人馮達浚
https://www.facebook.com/frankiefung.hk/about/
搵唔到patreon

前學聯抗爭者支援基金主席劉澤鋒
https://www.facebook.com/Nathanlau612
搵唔到patreon

前立法會議員毛孟靜
https://www.facebook.com/ClaudiaMoManChing/
搵唔到patreon

深水埗區議員劉偉聰
https://www.facebook.com/wclawrencelau/
搵唔到patreon

前立法會議員譚文豪（公民黨）
https://www.facebook.com/jeremytammanho
搵唔到patreon

前立法會議員胡志偉（民主黨）
https://www.facebook.com/chiwaioffice/
搵唔到patreon

黃大仙區議員施德來（民協）
https://www.facebook.com/loy.diary/
搵唔到patreon

觀塘區議員李嘉達
https://www.facebook.com/KindaTatLo/
搵唔到patreon

前香港眾志秘書長黃之鋒
https://www.facebook.com/joshuawongchifung/
https://www.patreon.com/joshuawong

譚得志（人民力量）
https://www.facebook.com/pages/category/Politician/%E8%AD%9A%E5%BE%97%E5%BF%97-Takchi-Tam%E5%BF%AB%E5%BF%85-767067873371162/
https://www.patreon.com/fastbeat2020

元朗區議員伍健偉
https://www.facebook.com/LuciferKng/
https://www.patreon.com/luciferK

前立法會議員朱凱廸
https://www.facebook.com/chuhoidick/
https://www.patreon.com/chuhoidick

屯門區議員張可森
搵唔到facebook & patreon

香港政治人物，前學民思潮發言人，黃子悅
https://www.facebook.com/wongjiyuet97/
搵唔到patreon

荃灣區議員譚凱邦（新民主同盟）
https://www.facebook.com/roytamoffice/

前立法會議員郭家麒（公民黨）
搵唔到facebook & patreon

葵青區議員、前立法會議員尹兆堅（民主黨）
https://www.facebook.com/AndrewWanbulletin
https://www.patreon.com/Andrew_wan

職工盟主席吳敏兒（工黨）
https://www.facebook.com/CarolNgMY/
搵唔到patreon

民間集會團隊發言人劉頴匡
https://www.facebook.com/ventuslauwh/posts
https://www.patreon.com/ventuslauwh

香港政治人物，前立場記者何桂藍
https://www.facebook.com/gwynethhokl/
搵唔到patreon

西貢區議員、前立法會議員范國威（新民主同盟）
https://www.facebook.com/%E8%8C%83%E5%9C%8B%E5%A8%81-Gary-Fan-124853124283126/
搵唔到patreon

西貢區議員柯耀林（區政聯盟）
https://zh-hk.facebook.com/rickyor.TKO/
搵唔到patreon

前立法會議員梁國雄（社民連）
https://www.facebook.com/longhairhk/
搵唔到patreon

阿布泰國生活百貨創辦人林景楠
https://www.facebook.com/Mike.lamkingnam/
https://www.facebook.com/abouthai/
https://www.abouthai.com/

香港政治人物鄒家成
https://www.facebook.com/owenchowkashing/
https://www.patreon.com/owenchow

前立法會議員陳志全（人民力量）
https://www.facebook.com/chanchichuen/
https://www.patreon.com/slowbeat

前立法會議員楊岳橋（公民黨）
搵唔到facebook & patreon

北區區議員、前立法會議員林卓廷（民主黨）
https://www.facebook.com/LamCheukTing.Official/
https://www.patreon.com/cheuktinglam

香港社會工作者，北區連線成員呂智恆
https://www.facebook.com/luichihang2016/
搵唔到patreon

荃灣區議員岑敖暉
https://www.facebook.com/shumlester/
http://patreon.com/lestershum93

元朗區議員王百羽（天水圍民生關注平台）
https://www.facebook.com/henrywongpakyu/
搵唔到patreon

東區區議員李予信（公民黨）
搵唔到facebook & patreon

醫管局員工陣線主席余慧明
搵唔到facebook & patreon
●●●●●●●●●●●●●●●●●
如果有最新資料或者更正
請通知 @hongkongfightforfreedom
Admin 未必可以即日回覆，敬請原諒 打开/如何

2021-03-05 03:26:15 「你 / 我 / 他，都有機會成為極權下的政治犯」「點解仲有人會冷嘲熱諷、落井下石？」「這不是笑話，這是香港人的悲劇」「笑甚麼？我們都是香港人！」

香港人被殘暴不仁的港共打壓，有良知的人都會感到傷心難過，點解仲有心情笑得出？真係好撚好笑咩？

香港人遭受不公平、不人道的政治迫害，點解仲有人會冷嘲熱諷、落井下石？

除非我們放棄追求民主自由，你 / 我 / 他，每一個人都有機會成為極權下的政治犯。

今日法庭上手足的可怕遭遇，明天我們都有可能會遇到。

這不是笑話，這是香港人的悲劇。

笑甚麼？我們都是香港人！
----------------------------------------
「笑9同路人的風氣絕對不可長」
https://t.me/hongkongindex/2586?single 打开/如何

2021-03-03 22:54:22 今時今日，無論是激進派或者溫和派，只要是反對政府，都會受到最嚴重的迫害。

香港非建制勢力已經再沒有需要分門分派，大家都係坐埋同一條船既維權人士。

願全體手足平安 打开/如何

2021-03-02 04:21:30 「小心KOL黃世澤，佢既行為好有可疑」「地圖炮 discredit 黃營人士，真係好有問題」「e.g.  黃之鋒、仇思達、啤梨、林匡正、蕭若元、黃毓民、齊阿哥、Shirley Yen、祖利安、各種匿名KOL、被捕椰子巴（連登）、一個人（黃營漫畫家）、....」

其實一個KOL批評其他人係好正常既事，但係黃世澤鬧人果種頻密程度實在太過驚人，而且唔會提供充分證據，值得大家提高警戒。

舉幾個例子：

黃世澤批評仇思達的家人經營工程公司，有參與政府項目，所以指控仇思達同共產黨有密切關係，藉此去 discredit 仇思達。

其實大把工程/地盤界既人都係手足，佢地為生計做政府工程，唔通佢地都係鬼？仲有，仇思達屋企人做乜工作關仇思達乜野事？唔通做手足都要查三代？每個人都係獨立個體，就算老豆老母係黑警，自己都有權追求民主自由，都可以成為手足。

黃世澤又批評 啤梨、林匡正係鬼，佢地兩個可以算係屌政府屌得最勁既KOL，而且林匡正親身參與好多現場直播，報導理大事件期間被捕。佢地由抗爭至今既表現都係有目共睹，根本一定係手足。就算黃世澤唔認同佢地既政治意見，都唔應該屈人地係鬼，其實黃世澤可以議事論事，唔係訴諸人生攻擊。

椰子巴（連登）係被捕手足，但係居然比黃世澤列入五毛名單，真係好荒謬，真正五毛又點會被捕？一個人（黃營漫畫家）見到椰子巴（連登）比黃世澤老屈做五毛，所以畫畫去恥笑黃世澤係蠢老鼠。因此，黃世澤要求觀眾起底一個人（黃營漫畫家）的個人資料。

黃世澤經常於節目形容蕭若元「反物質」，嘲笑蕭若元的預測不準確，衣個行為好唔尊重蕭若元。己所不欲勿施於人，假如其他KOL恥笑佢叫人「儲水、儲糧、儲藥 」，佢又會有乜野感受？佢係唔係所有預測都準確呢？佢成日恥笑奚落其他KOL，無非想踩低別人抬高自己，顯示出自己係高人一等。

最後想提醒下手足，黃世澤宜家地圖炮 discredit 黃營人士，真係好有問題，因為正常既時事評論員係唔會做黃世澤做緊既野。

大家睇路，黃世澤真係over哂、好跨張、好有可疑。 打开/如何