香港民主自由資訊目錄

2021-05-30 03:56:28 「大外宣製造無力感，瓦解留低既香港人反抗意志」「失敗主義、投降主義」「佢地要留低既香港人低頭認命：留低就唔好諗住反抗，要乖乖地做奴隸，要逆來順受，放棄任何形式既抗爭！」

香港會變納粹集中營！

蠢人先至會留係香港！

香港無得救架喇！

做咩野都無用架！

保住條命！快D走啦！

留低無野可以做！

死心啦香港人！

香港唔值得我地留戀！
------------------------------------
「嚴重懷疑《黃世澤》係中共既高級大外宣，用緊熱血公民既玩法，不過勁好多，唔係咁易識破！」

證據一：
對追求民主既政治犯冷嘲熱諷。

黃世澤節目講過「每個人都有能力所限，例如除左坐監之後無嘢識做，咁咪坐監。 」

黃世澤將坐監既義士形容為「能力所限」、「無嘢識做」先至坐監，嚴重醜化為香港付出人生既政治犯。

暴動罪手足「椰子」邱文勁（判刑 3年9個月），被黃世澤列入五毛名單。黃世澤沒有提供充分既證據，夾硬將義士屈成收錢做野既五毛，引起黃營人士憤怒，但至今仍未收回指控和正式道歉。

證據二：
宣揚失敗主義、投降主義，香港人除左走佬之外，所有行動都係無用。香港已經無得救，香港人無野可以做。

黃世澤有一個潛移默化既洗腦方法，無聲無息咁灌輸失敗主義、投降主義。首先大力批判政府既問題，然後指出香港既問題好嚴重，香港已經無得救，就算香港人反抗都無用，唯一可以做既就係走佬。

任何人1.《對追求民主既人冷嘲熱諷》以及 2 .《宣揚所有行動都係無用，香港人無野可以做》基本上係行緊熱血公民既玩法，必須受到最嚴厲既譴責。

手足唔好信我，信自己就得，自己上YouTube睇下佢衣幾個月既片，佢既核心思想就係「香港無得救、香港人做咩都無用」。

黃世澤好清楚香港一定唔會七百五十萬人走哂，大部分人（至少五/六百萬）人都會留低。

佢既片其實主要係比留低既香港人睇，目的就係要香港人心灰意冷，對香港放棄絕望。

佢要留低既香港人低頭認命：留低就唔好諗住反抗，要乖乖地做奴隸，要逆來順受，放棄任何形式既抗爭！

失敗主義（Wikipedia）
是一種思想，認定未來註定失敗而放棄一切改變現狀的行動

投降主義（Wikipedia）
指衝突和糾紛中，無原則地放棄己方集團的利益，向敵對集團沒有底線地遷就與妥協，放棄與敵對集團進行鬥爭的主張和思想。 打开/如何

2021-05-28 03:59:37 世界大把獨裁國家，入面一樣有人抗爭，有乜咁特別？ 打开/如何

2021-05-28 03:55:39 香港有750萬人，最多走一兩百萬人，至少有五六百萬人會留低，唔通留低既人咩都唔做？
（五百萬人口已經係中小型國家既人口） 打开/如何

2021-05-28 03:51:56 「部份海外KOL（例如：黃世澤），散播失敗主義，協助瓦解香港公民社會。」「果D主張投降走人既KOL，根本無在極權國家抗爭既經驗，唔值得香港人參考」「要參考其他國家既抗爭者經驗」

世界上有好多專制獨裁國家（e.g. 俄羅斯、中東國家、非洲國家）既流亡海外人士，主要都係幫助將國內不合理事情傳播出去，爭取國際社會關注。

另外，佢地都會協助國內民運人士的抗爭運動。（e.g 海外籌款支援國內抗爭者） 。流亡海外既人唔會講咩野「留低都做唔到野」、「做咩都無用，快D走保命」，只會盡最大努力去幫助國內既人。

留意到一D離開左香港既KOL，例如：黃世澤，佢係唔會諗方法支持香港既抗爭行動，相反，剩係識同人講「香港無野可以做」、「快D走保住條命」，用盡方法令人對香港絕望，務求對所有抗爭行動潑冷水。

香港人有750萬人，就算走左150萬人，都仲有600萬人，唔通留低既幾百萬人都坐低咩都唔做，受到迫害而沉默不語？

有壓迫就有反抗，就算俄羅斯都有反對派，伊朗、緬甸都有遊行示威，中國都有維權人士/律師。

果D主張投降走人既KOL，根本無在極權國家抗爭既經驗，淨係識叫人投降走佬，協助瓦解香港公民社會，根本唔值得留低既香港人參考。

在「新香港」下，留低既香港人要調整抗爭行動，而唔係抱住「無野可以做」既心態。我地要參考其他國家極權國家既抗爭經驗，唔可以再用以前果一套。 打开/如何

2021-05-18 04:40:10 時事KOL講野要負責任，唔可以隨便亂咁講野。 打开/如何

2021-05-18 04:36:27 「KOL黃世澤危言聳聽，極限誇大留港既後果」「納粹、集中營係好嚴肅既事件，唔可以隨便拎黎講，請黃世澤尊重納粹受害人，唔好再消費佢地」

黃世澤成日係佢既節目，話香港好快會變做集中營，講到香港人再唔走就會命都冇。

佢成日將香港既未來情況講到極度誇張，成日講咩野「納粹」、「希特拉」、「集中營」、「冇命」...

大家唔好信黃世澤危言聳聽，香港惡化落去只會成為上海、深圳，同佢口中既納粹集中營拉唔上任何關係，嚴重程度絕對差天共地。

納粹集中營既猶太人，冇做過任何野，純粹因為為種族血統，大規模比納粹系統性種族屠殺。猶太人真係一車車咁運入集中營去折磨殺害，恐怖到難以置信。

香港真係會變成納粹集中營？香港人真係會大規模比中共有系統屠殺？講衣D野既人真係無腦之極，唯恐天下不亂。

香港最差就變成中國城市，香港人失去言論自由、政治自由、遊行集會自由，但係無論香港變到幾差，香港人既下場都唔可以同納粹集中營猶太人相提並論。

當香港變成中國城市一樣，香港人唔搞政治，好似普通中國人咁生活，一定唔會冇命，唔會比共產黨大規模殺害。

就算係中國入面，都有維權人士、維權律師，佢地都係被判入獄，遭遇遠遠都未去到集中營咁慘，唔會隨便被殺害。

簡單而言，KOL黃世澤危言聳聽，極限誇大留港既後果。佢講既野，好多時候都講到有咁誇張得咁誇張，大家千其唔好盡信。

最後，納粹、集中營係好嚴肅既事件，唔可以隨便拎黎講，請黃世澤尊重納粹受害人，唔好再消費佢地。 打开/如何

2021-05-11 13:34:58 言行一致，說得出做得到

自己會做先至叫其他人做 打开/如何

2021-05-09 03:33:59 「回應自由港」「對於非常危險既行動，手足自己決心去做係冇問題。如果自己做唔到、自己唔知道點做，但係建議其他手足去做，就會出現道德問題」

【無人成功過係咪就唔應該去做？】
https://t.me/HarbourofFreedom/369?single

「咪撚再聽人講去採購/製造 軍火彈藥」
https://t.me/hongkongindex/2649

首先多謝你地（自由港）評論我寫既野，我覺得你地既睇法好多都係有道理，我都同意有好多野都要試過先知道得唔得，未有成功案例唔代表唔應該做。另外，我也同意手足唔會輕易被人煽動，要尊重手足既行動決定。

我寫果篇野係因為在網上經常見到有人叫手足「武裝革命」、「買軍火彈藥」。佢地好熱血激昂咁呼籲其他人執行極度危險既行動，但係自己未成功執行過一次相關行動，其實咁樣既做法係好不負責。

極端危險行動（炸彈、槍械...）既建議者，本身應該係該行動既專家/成功執行者。如果佢未成功執行過一次相關行動（顯著效果 + 安全逃離），佢根本唔清楚行動既可行性和危險性，唔應該將行動推薦比其他手足，否則將手足置於極高風險，咁樣係非常不負責任既做法。

我不會反對手足執行針對極權既任何行動，因為每個人都會為自己既人生做決定。

我既文章重點係「反對有人建議其他手足執行極端行動」，因為我留意到，大部份「極端行動既建議者」都唔係「極端行動既執行者」。

好多都係得把口（唔出手），剩係識叫人做（自己唔做），自己沒有相關行動既執行經驗（買槍、用槍、造炸彈、用炸彈...）。

簡單D講，對於非常危險既行動，手足自己下定決心去做係冇問題。如果自己做唔到、自己唔知道點做，但係建議其他手足去做，就會出現道德問題。

炸彈/槍械 同 暴動罪 係兩個層次既野，已經唔係勇武抗爭咁簡單，係嚴重好多倍既刑事案件，唔可以隨便建議手足去做。

示威被捕、掉汽油彈，就算暴動罪成，好多判刑都唔會超過五年。

藏有炸彈/槍械，就算未有行動，都可以判十二年。（盧手足既案例，原本十八年，認罪減三分一）。如果行動造成嚴重傷亡，可以告你謀殺/誤殺，最嚴重要終身監禁。

今時今日，律政司一定會用最重既罪去告手足，法庭有大量紅官，而且有上訴庭把關，最後一定會出最嚴重既判決。

無罪屈到有罪，輕罪屈到重罪，重罪屈到終身。夾硬放張港獨文宣，即刻變成國安案件。（沒有保釋、指定法官）

如果有抗爭者使用 槍擊/炸彈 造成人命傷亡，港共一定會用盡方法屈到終身監禁，因為港共好希望有首宗終身監禁既判刑，對抗爭陣營構成震懾效果。
------------------------------------
順便一提（唔係講緊自由港，唔好誤會）

手足如果有上網（e.g
FB/連登/高登...），一定會見到有人post 緬甸人既抗爭情況，然後嘲笑香港人唔會「買槍買軍火」、唔識得「攻擊軍隊」，將香港人貶低成「垃圾」、「笑話」。

其實唔需要在意衣D人既說話，係人都知道香港同緬甸既情況完全唔同，根本唔應該比較。

講衣D野既人，開口埋口叫人「買槍買軍火」，其實好大機會成世人都未掂過真槍，就算你比支槍佢，佢都唔會用黎「殺狗」。

大家有冇聽過「低級紅、高級黑」，其實港共成日都用衣招去貶低香港抗爭者，務求打擊抗爭者既士氣同團結，手足真係要好好提防。

如果手足見到有人笑香港人唔夠膽做某D野，你諗下佢自己會唔會做，如果佢唔會做既話，你唔需要再理會佢講既野。
------------------------------------
https://www.elegislation.gov.hk/

••••暴動

(1)如任何參與憑藉第18(1)條被定為非法集結的集結的人破壞社會安寧，該集結即屬暴動，而集結的人即屬集結暴動。 (由1970年第31號第12條修訂)
(2)任何人參與暴動，即犯暴動罪 ——
(a)一經循公訴程序定罪，可處監禁10年；及
(b)一經循簡易程序定罪，可處第2級罰款及監禁5年。

••••意圖危害生命而管有槍械或彈藥

(1)任何人管有槍械或彈藥，意圖用以危害生命，或意圖使他人能用以危害生命，即屬犯罪。
(2)任何人犯第(1)款所訂的罪行，一經循公訴程序定罪，可處終身監禁。

••••企圖導致爆炸或製造、存有炸藥意圖危害生命或財產

任何人非法及惡意 ——
(a)作出任何作為意圖藉爆炸品導致爆炸，或串謀藉爆炸品導致爆炸，而該爆炸的性質相當可能會危害生命或對財產造成嚴重損害；或
(b)製造、管有或控制任何爆炸品，意圖藉以危害生命或對財產造成嚴重損害，或使他人能夠藉以危害生命或對財產造成嚴重損害，
則不論爆炸是否有發生及是否已對人身或財產實際造成損害，均屬犯罪，一經循公訴程序定罪，可處監禁20年，而爆炸品則須予沒收。

••••謀殺
任何人被裁定犯謀殺罪，即須被終身監禁。但如法庭覺得被裁定犯謀殺罪的人在犯罪時不足18歲，則法庭對該人應判處終身監禁抑或較短刑期的監禁，具有酌情決定權。

••••誤殺
任何人被裁定犯誤殺罪，可處終身監禁及罰繳由法庭判定的罰款。 打开/如何

2021-05-06 03:25:05 「咪撚再聽人講去採購/製造 軍火彈藥」「香港根本冇衣類型行動既成功例子，叫人做既人根本自己未試過一次成功行動」「自己做唔到但係叫人做，咪撚再信佢地」「手足唔好亂咁信人，唔好做白老鼠/實驗品，捉到至少坐十年八年，好撚伏」

之前抗爭高潮期間，有人叫人掉汽油彈、破壞藍店，其實係可以接受，因為真係有唔少手足成功行動試過，而且能夠安全撤退。

宜家仲耐唔耐見到有人鼓吹「買軍火槍械」、「武裝革命」，大家認真諗下，香港人從來未試過成功執行一次牽涉槍械炸藥既反政府行動，講衣D野既人自己根本未成功做過一次，佢地既說話冇任何既說服力和可信度。

大家睇番由2019年至今既新聞，有幾多個黑警被手足成功槍擊？有幾多個重要建築物被手足成功炸毀？

沒有任何一個黑警被槍擊，沒有任何一個建築物被炸毀。

有D人講野講到好激好勁，但係從來未成功做過一次自己講既野，佢地自己做唔到但係叫人做，咪撚再信佢地。

手足唔好亂咁信人，唔好做白老鼠/實驗品，捉到至少坐十年八年，好撚伏。

叫人做邊樣野既手足，唔該親身示範一次果樣野。如果你成功既話，自然會有人跟著做。但係如果自己都做唔到，請你唔好再叫人做。

本頻道講既野可能好唔啱聽，但係都係真心說話，堅持住有果句講果句。 打开/如何

2021-05-05 02:55:58 「懲教擬拒胡志偉奔父喪」「民主黨必須立即召開記者會向港共施壓」「杯葛立法會選舉」

民主黨既資深黨員，前主席胡志偉，受到咁恐怖、咁殘酷既待遇，反映港共冇將民主派人士當做一個「人」去對待，佢地可以無底線咁去折磨、虐待異見人士。

民主黨必須立即召開記者會向港共施壓，務求胡志偉可以出席父親喪禮。

香港情況急速惡化，港共已經撕破臉皮，將香港人踩到上心口。民主黨已經沒有選擇的空間，應該啟動黨員會議，宣佈杯葛立法會選舉。

唔好再話要了解民意，因為民意已經非常清楚，大部份民主派既支持者都強烈反對你地參選立法會。
----------------------------------------
懲教擬拒胡志偉奔父喪　
只准Zoom送別　被斥不近人情

https://hk.appledaily.com/local/20210505/E3OSRM2VOFFXLPXGYCTMNM5THI/

民主黨前主席胡志偉正還柙，其父親上月中不幸去世，本周五晚上舉行喪禮，胡志偉早前向懲教署申請外出奔喪，希望送父親最後一程，但有民主黨人透露，懲教署至今仍未批准，更聽聞署方以風險為由，已初步否決申請，只容許他以Zoom方式視像觀看喪禮。該名黨友批評懲教署不近人情，指胡不是重犯，只想見亡父最後一面，質疑是政治決定。

胡志偉92歲父親早前病重，據知他曾申請到醫院探望父親，但遭懲教署拒絕，到上月中胡志偉父親不幸與世長辭，本周五晚上設靈，翌日大殮。據了解，胡志偉早前已向懲教署申請外出奔喪，希望送別父親，但署方至昨日仍未有正式回覆。

胡志偉黨友稱，他們聽聞署方以胡出席喪禮可能有很多人在場，構成很大風險為由，已初步否決申請，只容許胡以Zoom方式視像觀看喪禮，以及見父親最後一面。

該黨友批評懲教署不近人情，指喪禮是閉門進行，「只有家人、朋友，連記者都唔畀入，點會有風險？」

而且胡之前已無法去醫院見父親最後一面，現只求在喪禮親自見亡父一面，「呢個係做仔最後要求，佢又唔係乜殺人重犯，仲叫佢用Zoom方式視像出席喪禮，咁對家人同死者都唔尊重」，他質疑是政治決定，「懲教署要做點會做唔到，唯一令我諗到原因係政治打壓」。本報就胡志偉向懲教署申請外出奔喪進展向署方查詢，截稿前未有回應。 打开/如何