被捕人士資訊部

2021-01-30 12:30:08 走過被捕、參選到入獄 何梓聰的獄中抑鬱藥：M＆M朱古力和鱷魚潭裏的手足

//「喺一個咁鱷魚潭嘅地方，撞返一班同路人雖然唔好受，見到大家都係著住同一顏色嘅囚衣，但係所有手足唔會計較……我幫你又好，你幫我又好，大家都要撐住！」

何梓聰去年只得22歲，一年間，由前線示威者，變為區議會參選人，後來成為法庭上的被告，最後被判入獄，穿起沒有姓名的囚衣。一向需每天服食5粒抑鬱藥的他，沒有預先囑咐家人入藥，高牆內的日子，靠著家人每日入的5包M＆M朱古力代替，還有與手足的互相扶持，作為「樹窿」聽他傾訴，皆化成熬過還押日子的精神支柱。他笑說：「未入去前聽講過食朱古力會開心啲，我就一日食5包，啲手足有時會講笑話：『夠鐘食藥啦！』」

2014年雨傘運動，17歲的他瞞著家人走到佔領區，「以前覺得我唔會做最前嗰排㗎，我唔會做犧牲嗰個，我一定唔會坐監！」當時他不停向別人宣揚自己的政治理念，可惜沒人理會，母親更極力反對。去年他非法集結罪成，宣判前一刻，母親突然對他說：「媽咪今次撐你呀，撐你撐到底！」何梓聰帶著這句等待多年的說話，進入收押所，「感覺好似還咗一直以嚟既心願，終於得到我阿媽嘅認同！」

經歷過一切，他仍選擇留在香港，沒有複雜的原因，只是簡單一句：「鍾意香港囉，想繼續為呢個地方努力」。成熟之中，隱藏不住一份熱愛這個地方的單純。//

專訪全文：《獨立媒體》 打开/如何

2021-01-30 11:30:16 【大搜捕後】劉頴匡一年四度被捕 自問已做盡 寄望明天：下一代會叻過我哋

//2021 年 1 月 6 日早上六時，劉頴匡在女朋友黃于喬（Emilia）家中被捕，被指涉嫌干犯《港區國安法》中的顛覆國家政權罪。警員帶走劉頴匡時，拒絕讓Emilia同𨋢，於是她穿著拖鞋跑下 10 層樓梯，為的就是拍一張照片，「淨係諗住快啲衝落去影到嗰張相，要人知道佢畀人拉咗！」

自 2019 年以來，這已是劉頴匡第四次被捕。七年前，他相信透過參政可以改變香港，卻因 2018 年參加立法會補選被DQ，一度覺得自己的政治生涯已經完結； 2019 年，反送中運動令原本覺得「已盡」的劉頴匡死灰復燃，當上遊行和集會的「入紙師」，終換來三次被捕和四項控罪，包括刑期最高達10年的暴動罪。

在民主派初選之後，劉頴匡再度沉寂下來，打算在入獄之前享受最後的自由時光。他沒想到自己還會再次被捕，而原因是他參與了初選——這次，他真的覺得自己已成砲灰了：「我哋呢批人，呢53個人可以做嘅嘢係做盡㗎喇，我哋做唔到啲咩㗎喇……」他不是抱怨或後悔，只是為自己做得不夠好而感到遺憾、可惜：「如果你用返 Baggio（梁頌恆）嘅講法，我哋宜家鋪緊磚，但鋪完就要跳海㗎嘛，咁咪跳囉！咁當然我最希望跳完，喺後面仲有人會繼續鋪埋呢條路，咁我咪覺得有意義。」

「我有個好強嘅感覺係：我哋嘅下一代會叻過我哋。」//

專訪全文：《獨立媒體》 打开/如何

2021-01-30 10:27:44 【入獄前專訪】癌症末期迎第十次政治監　古思堯的火紅人生：抗爭在故我在

//「法官閣下，我係故意侮辱國旗嘅，我唔認罪。」古思堯用他粗糙的聲音說，患了第四期腸癌和肝癌的他經過電療後，頭上已幾乎沒有頭髮，體重也下降了近七公斤，但瘦削且充滿青筋的手仍直直地放在兩側。當主任裁判官詢問需要多少天審訊時，古思堯說：「根據我坐監十次、八次經驗，呢類型案件好快審完，我都唔想浪費證人、律師時間。」庭內律師們偷笑起來。

因去年七月聲援黎智英等人時倒轉舉起塗滿示威字眼的國旗，古思堯昨（28 日）被判「侮辱國旗罪」罪名成立，酌情減刑一個月後，判監四個月，即時入獄。古聞言大喊「結束一黨專政，打倒共產黨」，旁聽人士隨即和應「撐住，阿古」。裁判官休庭前向古思堯表示，獄中的治療不會比醫院遜色，並稱「本席希望你早日康復」。

古思堯去年中患癌，接受電療後，精神不算好。儘管每天都有人勤他退下來休息，但即使在「保釣行動」黃金時代已過、身體不再年輕、泛民路線不再受年輕人支持的今日，每當問他可會後悔投身社運時，阿古總是堅定地否認：「抗爭係我生命嘅重中之重，有抗爭嘅地方就有我，所以我才會留在香港。」

作為上一代首批投身香港社運的抗爭者，現年 71 歲的古思堯從左派熱血青年，到與日本妹拍拖的風騷民族舞老師，再成為了今天癌症末期還被判入冊的白髮老人，到底抗爭對他而言，還有什麼意義？//

專訪全文：《立場新聞》 打开/如何

2021-01-30 07:22:40 「岳」男出獄專訪：香港人應該幫返香港人

//20歲的陳以晉，前年9月為助數名陌生人逃走，以伸縮自拍棍攻擊防暴警察，即場遭到制服，最終判監10個月，除夕日刑滿出獄。重獲自由，再次穿上意義深遠的「岳」字T恤，他反思當日做法可以更好，但對救人舉動始終無分毫動搖，自己不過是忠於本心，或是比人行前多一步，卻非甚麼英雄。日子越來越難過，選擇留在小城繼續當逆民，首要保留實力好好活下去，日後方能伺機挺身而出，「身為一個香港人，你去幫返香港人係應該」。

一年多後首次重返舊地，事發一幕再次浮現眼前，身體無可避免變得繃緊，「都幾大壓力，個腎上腺素上升」，坦承入獄後曾經有後悔，但不是後悔救人，而是後悔未有採用更好的手法，「可能唔用棍、唔扑佢，可能就咁㧬佢，（甚至）和平啲大愛抱住佢？反正都係犧牲㗎啦，咁抱住佢啦救人」，認真說着玩笑的他眼眶漸變濕潤，「對佢（警員）可能好啲，對我可能又好啲，或者唔會咁傷，但結果都係一樣（入獄）」。假如重來一次，會否依然選擇回頭救人？「會囉，我咁多年做人、讀書、睇書、長大（嘅）人生經驗，講畀我聽就要做呢樣嘢，去犧牲自己成就他人，做人應該係咁，喺你有限嘅能力盡量幫人。」

「岳義士」的名銜不脛而走，有人視他為英雄，「我未稱得上係一個英雄，我唔係做啲咩好偉大嘅嘢，只不過係比起其他香港人行前咗一步。可能係因為我冇咁多負擔，我肯付出自己嘅時間喺香港，青春喺香港，坐監，冇乜嘢嘅」，有人視之為暴徒，「犯咗法喎，梗係暴徒啦，我上埋暴徒網添」，身邊朋友亦漸漸改口叫他「岳仔」、「岳巴」，「名字只係一個稱呼啫，你鍾意點嗌我都得，呢個名更加知道我係鍾意行山嘅人囉。」

過去一年因武肺疫情，囚犯放風時間銳減，日子更加難捱，「收到信係我喺入面嘅慰藉，可能我比較多人識，成日都會收到信。但除咗關心我呢啲比較出名嘅手足之外，都可以關心啲無名手足，可能大時大節畀啲祝福佢哋，或者同佢哋做筆友，佢哋係好需要呢啲支援。」

「我暫時都係一個逆民嚟，仍然唔肯跪低，仍然對抗」，接下來首要做的，就是繼續學業，同時會積極籌備下一本相集留住香港的美，等待下一個時機，「作為一個逆民做到嘅就係保留實力，做香港人要做到嘅事，然之後好好咁活下去」。//

專訪全文：《蘋果日報》 打开/如何